Vdekje e dyshimtë në Kamenicë

Një person është gjetur pa shenja jete të shtunën në Kamenicë.

“Ankuesi mashkull kosovar ka raportuar se dhëndri i tij viktima mashkull kosovar, derisa ka qenë mysafir te ankuesi, është gjetur pa shenja jete. Ekipi mjekësor ka konstatuar vdekjen e viktimës”, thuhet në raportin 24-orësh të Policisë.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion.

Ndërsa një 56 vjeçar nga Lipjani, ka vdekur të shtunën.

Lidhur me këtë rast policia kanë konfirmuar se 56-vjeçari vdiq si pasojë e neglizhencës nga ana e mjekëve.

Për këtë ata kanë intervistuar personelin mjekësor dhe dëshmitarët.

“Nga QKUK është raportuar se viktima mashkull kosovar i cili është sjell nga qendra e mjekësisë familjare në Lipjan  ka ndërruar jetë. Njësitet e hetuesisë kanë intervistuar dëshmitarët dhe personelin mjekësorë. Me vendim të prokurorit, trupi i pa jetë i viktimës është dërguar në IML për obduksion”, thuhet në raportin e policisë.

Ndërkaq një punëtor është rrëzuar dhe ka marrë lëndime derisa po punonte në një banesë kolektive në Prishtinë.

“Viktima është duke u trajtuar në QKUK, pasi që i njëjti derisa ka qenë duke punuar në një banesë kolektive pronë e të dyshuarit mashkull kosovar, është rrëzuar dhe ka pësuar lëndime trupore”.

“Në vendin e ngjarjes kanë dalë njësitet relevante, rasti në procedurë hetimore”, është thënë nga Policia e Kosovës.

Policia e ka cilësuar rastin “punime të kundërligjshme”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.