Lajme

Vdekje e dyshimtë në Gjakovë


Policia e Kosovës.

Një person pa shenja jetë është gjetur në shtëpinë e tij në Gjakovë.

Përmes raportit 24-orësh të Policisë së Kosovës, thuhet se njësitë policore kanë dalur në vendin e ngjarjes.

“Është raportuar se viktima mashkull kosovar është gjetur pa shenja jete në shtëpinë e tij. Me vendim të prokurorit trupi i pajetë është dërguar në IML për obduksion”, thuhet në raportin e PK-së.

Një tjetër person është vet dorëzuar në polici pasi që i njëjti dyshohet për veprën penale “vrasje në tentativë”, që ka ndodhur më 20 janar.

“Arrestimi i të dyshuarit është bërë mbi dyshime të arsyeshme për përfshirje në veprën penale “vrasje në tentativë” e ndodhur  me datën 20 janar 2023,  në  rrugën ‘Shaban Polluzha” në Mitrovicë, ku dyshohet se i dyshuari rreth orës 21:45,  nga vetura e tij në lëvizje  ka shtënë me armë zjarri në veturën e ankuesit e cila ishte goditur nga dy predha, përveç dëmeve materiale nuk kishte të lënduar”.

Policia e Kosovës.

Pas intervistimit  me urdhër të prokurorit të rastit  të dyshuarit i është caktuar masa e ndalimit për 48 orë.

Të mërkurën e 25 janarit, është arrestuar edhe një burrë në Podujevë nën dyshimin se i njëjti kishte dhunuar viktimën grua kosovare.

Raporti 24-orësh i Policisë së Kosovës bën të ditur se rasti ka ndodhur në Podujevë.

“Podujevë 23.01.2023 – 01:00. Është arrestuar i dyshuari mashkull kosovar nën dyshimin se ka kryer veprën e lartcekur ndaj viktimës femër kosovare. Në lidhje me rastin është konsultuar prokurori i shtetit, me vendim të së cilit i dyshuari pas intervistimit është dërguar në mbajtje, ndërsa viktima është dërguar në strehimore”, thuhet në raport.

Ndër të tjera, një aksident trafiku ka ndodhur në rrugën Hysni Rama në qytetin e Pejës, ku për pasojë i lënduar ka mbetur një shtetas i Turqisë.

Siç njofton raportin 24-orësh i Policisë së Kosovës, aksidenti ka ndodhur pasi personi që po drejtonte makinën nga pakujdesia dhe mospërshtatja e shpejtësisë ka goditur këmbësorin, i cili ka pësuar lëndime.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore