![](https://albanianpost.com/wp-content/uploads/2023/09/auto_thaci-selimi-gjykata-speciale-kosovo-court-Kopie1604668271.jpg)
Të mërkurën në Dhomat e Specializuara të Kosovës do të vazhdojë gjyqi ndaj ish-krerëve të Ushtrisë Çlirimtare të Kosovës.
Procesi gjyqësor ndaj ish-presidentit të Kosovës, Hashim Thaçit, ish-kryeparlamentarëve – Kadri Veseli e Jakup Krasniqi – dhe ish-deputetit të Lëvizjes Vetëvendosje, Rexhep Selimi, pritet të nis në orën 09:00 me 45 minuta vonesë në transmetim.
Ndryshe të martën për të gjashtën ditë me radhë ka dëshmuar ish shefi i shtabit të Ushtrisë Çlirimtare të Kosovës, Bislim Zyrapi.
Ai të hënën u marr në pyetje nga avokati i Hashim Thaçit, Luka Misetiç.
Ndryshe, nga mbi 300 dëshmitarë në total, deri më tani janë dëgjuar 75 prej tyre – shqiptarë, serbë, ekspertë ndërkombëtarë, ish-komandantë e viktima të pretenduara të luftës – kryesisht në seanca të mbyllura për publikun, ndërsa këtë të mërkurë pritet të vazhdojë dëgjimi i dëshmitarit të 75-të.
Ish-presidenti i Kosovës, ish-kryeparlamentarët kosovarë dhe ish-shefi i deputetëve të Lëvizjes Vetëvendosjes (LVV), akuzohen nga e Zyra e Prokurorit të Specializuar (ZPS) për vrasje të pretenduara, torturë e trajtim mizor në periudhën midis viteve 1998–1999.
Në procesin gjyqësor që nisi më 3 prill 2023, katër ish-drejtuesit e UÇK-së u deklaruan të pafajshëm.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com