Komisioneri për Zgjerimin dhe Fqinjësinë, Oliver Varhelyi, është i bindur se Tirana është pikëtakimi për të gjithë rajonin.
Jo vetëm kaq, por se vendi është aleati i BE-së për të shtyrë përpjekjet e të gjithë rajonit për integrim.
“Jam i kënaqur që rikthehem në Tiranë. Besoj se tashmë Tirana është kthyer në një pikëtakimi për të gjithë rajonin dhe për të shtyrë më tej përpjekjet e Ballkanit Perëndimor për t’u bërë pjesë e BE-së”.
Nga Samiti i Ballkanit Perëndimor dhe Bashkimit Evropian, Varlehyi theksoi se procesi i zgjerimit nuk ka të bëjë vetëm me kapitujt, por me integrimin e ekonomive dhe shoqëritë të rajonit në BE.
“Që do të thotë se BE duhet të ofrojë të gjitha fitimit që sjell anëtarësimi”, tha komisioneri duke shtuar se jemi në fillimet e një ndryshimi rrënjësor dhe të shpejtë për rajonin.
Për të, ky proces integrimi do të thotë që ekonomia dhe shoqëritë e Ballkanit Perëndimor të integrohen në Bashkimin Evropian.
Ai u shpreh se Plani i Rritjes është një plan ambicios: “Ne kemi besim të plotë se do t’i merrni të mirat e planit përpara afatit të përfundimit, atë të 2027-s”.
Komisioneri shprehu edhe një dëshirë për partnerët e institucioneve financiare, që përveç 30 miliardë eurove të japin dhe 6 miliardë tjetër në euro për rajonin.
“Dëshira e tretë që e shpreh për partnerët tanë të institucioneve financiare, është që përveç 30 miliardë eurove, ne kërkojmë që të na jepni dhe 6 miliardë euro, që e sjell të gjithë këtë në nivelin e fondeve strukturore të BE-së për shtetet anëtare”.
“Me këtë plan, boshllëku i zhvillimit do të plotësohet. Të gjitha vendet e rajonit e kanë marrë në dorë dhe po bëjnë gjithçka”.
Por Varhelyi theksoi se lëto plane funksionojnë kur plotësohen rregullat e vendosura nga Bashkimi Evropian.
Nga ana tjetër, drejtori i Përgjithshme për Fqinjësinë dhe Negociatat e Zgjerimit, Gert Jan Koopman, ka deklaruar se duhet një ritëm i lartë punimesh në mënyrë që të përfitohet nga fondet e BE.
“Ritmi është i lartë, por na ka mbetur vetëm një muaj për të mbyllur agjendën e reformave. Cilësia e ligjeve që duhet të miratoni duhet të jetë e lartë. Na keni krah jush, por ritmi duhet i lartë që fondet të hyjnë në maj para pushimeve verore”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
