Valverede: E adhuroj sfidën me Kroos-in, Modric-in dhe Casemiro-n

Mesfushori 22-vjeçar i Real Madrid-it, ka dhënë një deklaratë shumë interesante rreth mesfushës së klubit të tij.

Ai ka thurur elozhe të jashtëzakonshme për treshen jetëgjatë të madrilenëve, Kroos – Casemiro – Modric.

“Bëji bashkë Kroos-in, Modric-in dhe Casemiro-n në një, ata do ta formonin futbollistin perfekt”, tha Fede.

“Casemiro është i fortë, i shpejtë, gjithmonë sheh hapësirat boshe dhe është perfekt në mbrojtje”.

“Luka është dinamik, pasimet mes linjave që ai bën janë jashtë kësaj botë”.

“Toni ka qetësinë dhe ftohtësine, ai ka aftësinë që të luaj pa pikën më të vogël të presion”.

Valverde duket shumë i lumtur që ndan të njëjtën dhomë zhveshjeje e ta.

“Ata kanë fituar gjithçka në Spanjë dhe në nivelin internacional, Champions League del nga veshët e tyre”.

“Si mund të mos jem i lumtur që ndajë dhomën e zhveshjes me ta? Thjesht duhet të shikojë dhe të mësojë”, tha Valverde, “nëse ata më japin këshilla, duhet t’i dëgjojë”.

Ai u shpreh edhe shumë i lumtur për “rivalitetin” që ka me të tre futbollistët.

Fede thotë që kjo është ajo që e ndihmon të rritet si futbollist.

“Casemiro më ndihmoi shumë që të adaptohem”, tregoi Fede.

“Kur ka rivalitet, ti ke një skuadër më të mirë”, tha ai, “e adhuroj rivalitetin me këta tre futbollist, që e bëjnë thuajse të pamundur të luash”.

“Më pëlqen sfida, kur luan me ta, të pëlqen gjëja që bën edhe më shumë”.

Fede Valverde po kalon sezonin e tij të tretë te Real Madrid, dhe deri tani, ai ka pasur shumë momente të bukura me madrilenët.

Në ndeshjen përballë Liverpool-it, Fede pritet të luaj në një pozitë të pazakont për të, në mungesë të Carvajal-it dhe Vazquez-it.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.