“Valor Shield”, trajnimi i përbashkët mes FSK-së dhe NJSI-së

Forca e Sigurisë së Kosovës së bashku me Njësinë Speciale Intervenuese (NJSI) të Policisë së Kosovës kanë realizuar ushtrimin fushor “Valor Shield 2024” i cili është mbështetur nga Komanda e Operacioneve Speciale për Evropë e Shteteve të Bashkuara të Amerikës (SHBA).

Trajnimi është bërë i ditur përmes një komunikate për media.

“Në këtë ushtrim përveç OS morën pjesë edhe Njësia Speciale Intervenuese (NJSI) e Policisë së Kosovës, Rexhimenti i Operacioneve Speciale (ROS) të Forcave të Armatosura të Republikës së Shqipërisë, njësi të tjera mbështetëse të FSK-së nga Inteligjenca, Komunikimi, Regjimenti i Parë i Këmbësorisë, dhe Ekipet Mjekësore. UF “Valor Shield 2024” është mbështetur edhe nga Komanda e Operacioneve Speciale për Evropë e Shteteve të Bashkuara të Amerikës”, thuhet në komunikatë.

Në njoftim është sqaruar edhe qëllimi i këtij ushtrimi.

“Krahas validimit të grupeve të Operacioneve Speciale gjatë UF “Valor Shield 2024”, qëllim i ushtrimit ka qenë edhe shkëmbimi i përvojave me organizatat ushtarake dhe policore që përballën me kërcënime komplekse të sigurisë në mjedise të përbashkëta operacionale”.

Më 8 gusht, Forca e Sigurisë së Kosovës (FSK) ka njoftuar se nëntogerët kosovarë, Shpëtim Hasani, Labinot Osaj dhe Arian Karaxha, kanë përfunduar suksesshëm kursin e udhëheqjes për artileri në Shtetet e Bashkuara (SHBA). Për shkak të sukseseve të treguara, nëntogeri i FSK-së, Arian Karaxha, thuhet se ka marrë çmimin “Distinguished International Honor Graduate”.

Trajnimi ka pasur për synim përgatitjen e ushtarakëve për udhëheqës të togut të artilerisë, oficerë të mbështetjes me zjarr si dhe oficer të drejtimit të zjarrit.

Nëntogerët e FSK-së është thënë se kanë njohuri praktike për pajisjen ushtarake Hoëitzer të prodhimit amerikan.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.