Hapa të vegjël drejt hakmarrjes së Teheranit.
Kjo mes shkëmbimeve të goditjeve, premtimeve për veprime të mëtejshme, por edhe mesazheve për veprime më të kufizuara.
Deklaratat jo uniforme të teokracisë përfaqësojnë taktika për të mbrojtur synimet e kombinuara, ndoshta, me një ndryshim pikëpamjesh se si të lahen hesapet.
Lëvizjet
Zbulimi amerikan ka raportuar lëvizje në disa baza raketore në Iran.
Mund të jenë përgatitje për një sulm të përzier me manovra rutinë në një kohë kur tensioni (së bashku me propagandën) ndikon në vlerësimet.
Garda Revolucionare – sipas një raporti nga Qendra Alma – ka një duzinë vendesh nga të cilat ata janë në gjendje të sulmojnë Izraelin.
Një pjesë e mirë e pajisjeve mbrohen në tunele ku janë vendosur lëshuesit e lëvizshëm, të cilët, sipas synimeve të strategëve, duhet të garantojnë fleksibilitet dhe “mbijetesë” të arsenalit.
Në fakt, regjimi shpesh herë e ka mburrur “qytetin e raketave”, të ndërtuar nën tokë, me video dhe foto.
Nga ana tjetër, izraelitët kanë armë anti-bunker dhe stërviten prej vitesh për neutralizimin e strehimoreve.
Valët
Parashikimet pasojnë njëra-tjetrën për atë se “çfarë” do të bëjë Republika Islamike për t’u hakmarrë për vrasjen e liderit të Hamasit, Ismael Haniyeh dhe eksponentit të Hezbollahut, Fuad Shukr.
Burime pranë Pentagonit kanë hipotezuar disa valë dronësh/raketash të drejtuara përkatësisht nga Pasdaran dhe milicët aleatë të dislokuar në një hark të parregullt që shtrihet nga Libani në Jemen.
Pak orë më parë, Hezbollahu kreu një inkursion, sërish me dronë, në veri të Galilesë (komandë e një divizioni).
Të paktën një nga avionët shmangu zjarrin kundërajror pavarësisht gjendjes së alarmit.
Janë misione që mbajnë zjarrin të gjallë, ndërsa, në të njëjtën kohë, shërbejnë për të testuar teknikat.
Izraeli, sipas skenarit, në vend të kësaj gjuajti operativët e Hezbollahut me një bastisje.
Objektivat
Flitet shumë për objektivat dhe rikthehet ideja që, përveç objekteve ushtarake, mund të shënjestrohen edhe impiante industriale dhe rrjeti energjetik (në Haifa dhe në Mesdhe).
Rrethet iraniane i thanë Reuters se Vladimir Putin u kishte kërkuar ajatollahëve të shmangnin viktimat civile.
Frika nga pasojat është e qartë për të gjithë.
Pasi Houthis goditën një ndërtesë në Tel Aviv me një mjet ajror pa pilot, izraelitët shkaktuan dëme të mëdha në portin jemenas të Hodeidah.
Nën zjarr
Një shembull tjetër i shumësisë së fronteve vjen nga Iraku.
Pesë ushtarë amerikanë u plagosën nga gjuajtja me raketa në bazën Ain al Asad.
Bombardimi u mor përsipër nga grupi shiit al Thawryoon, i përfshirë tashmë në veprime të ngjashme si pjesë e fushatës së “shkatërrimit” të zbatuar nga milicët e frymëzuar nga ajatollahët.
Deri më tani ata kanë kryer rreth 220 sulme për të mbështetur mullahët, për të demonstruar mbështetje për palestinezët dhe për të përsëritur se Shtetet e Bashkuara duhet të largohen nga vendi.
Shprehje “hibride” e fraksioneve me një agjendë lokale të futur në planin rajonal të Iranit.
Së fundi, një sqarim nga Teherani për eliminimin e Haniyeh.
Ndryshe nga sa pretendonte New York Times, nuk pati asnjë arrestim mes zyrtarëve të sigurisë.
Është mohimi i dytë pas atij për teorinë e bombës.
Mullahët i mohojnë thashethemet (të cilat mund të mos jenë as të sakta) por shmangin ofrimin e shpjegimeve të qarta.
Marrë nga “Corriere Della Sera”, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
