“Telenovelës” Frenkie De Jong, si duket i ka ardhur fundi. Dëshira kryesore e Manchester United për këtë afat kalimtar veror, duket drejt realizimit.
Sipas asaj që raportojnë mediat e huaja, dyja klubet kanë arritur marrëveshje për transferimin e mesfushorit holandez gjatë kësaj vere.
Gazetari i njohur italian, Fabrizio Romano, raporton se shuma e transferimit do të jetë 75 milionë euro, plus 10 të tjera në formë të bonuseve.
Manchester United have reached full agreement with Barcelona for Frenkie de Jong, after further talks. Package worth €85m. Fee guaranteed around €75m plus add-ons. 🚨🇳🇱 #MUFC
Personal terms, still the issue to be resolved – as Frenkie’s priority is to stay at Barcelona. pic.twitter.com/aTYnV3cHkP
— Fabrizio Romano (@FabrizioRomano) July 14, 2022
Megjithatë, për ta kompletuar këtë lëvizje, drejtuesit e “djajve të kuq” duhet ta bindin edhe mesfushorin 25-vjeçar, pasi që ende nuk kanë arritur akord me të.
Kujtojmë që De Jong është pjesë e Barcelonës që nga vera e vitit 2019, kur u transferua nga Ajax-i për shumën e 86 milionë eurove.
Ai në total ka bërë 97 ndeshje me fanellën klubit spanjoll, prej të cilave ka shënuar tetë gola dhe ka dhuruar nëntë asistime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com