“Kushdo që vendos të qëndrojë, luan me fatin e verbër. E gjithë zona urbane është brenda rrezes së topave rusë. Dhe qëllojnë rastësisht: kush të rastisë”, thonë zjarrfikësit në çadrën e shpëtimit civil të ngritur në mes të sheshit kryesor.
Prej të paktën dy javësh ata janë përpjekur të bindin civilët e mbetur që të braktisin Kherson-in, por nga 330 mijë fillestarë, ka ende 80 mijë banorë dhe ata nuk mund të lihen në mëshirën e zjarrit të topave rusë.
Lajmi u bë i ditur nga e përditshmja italiane “Corriere della Sera”.
Kështu, përshtaten, stërviten: kur vjen fërshëllima e granatave, hidhen në tokë, duke qëndruar shtrirë.
Udhëtimi midis fronteve të Bakhmut-it dhe Kherson-it ndihmon për të gjurmuar ngjashmëritë dhe dallimet midis dy zonave më aktive të luftës të kërkuara nga Vladimir Putin.
Bakhmut mbetet një betejë e zhvilluar nga dy ushtri që ndërthurin veprimet e këmbësorisë me dronët, aviacionin, tanket dhe artilerinë.
Shumica e qendrave urbane janë gjysmë të shkretuara, ushtarët flenë në llogore, në mes të natës ka duele patrullimi: në shumë aspekte sfida e Donbass-it bazohet ende në guximin dhe shpirtin e ushtarëve individualë.
Nuk mund të thuhet e njëjta gjë për Kherson-in.
“Ne u kthyem dy ditë më parë, për të treguar për këtë krahinë, e cila ishte më e rëndësishmja nga rajonet e pushtuara ruse në perëndim të Dnipros tashmë në fillim të marsit, dhe të cilën më 11 nëntor trupat ukrainase arritën ta ripushtonin”, shkruan korrespondenti i gazetës italiane.
Shumë pak ka mbetur nga gëzimi me të cilin civilët e mbetur nën pushtimin rus mirëpritën trupat e tyre triumfuese.
“Jo se njerëzit kanë ndryshuar mendje për nevojën për të mposhtur planet e Kremlin-it, por bombardimet e pandërprera kanë krijuar një emergjencë të vërtetë humanitare që duket e destinuar të mbetet”, vijon Lorenzo Cremonesi.
Dimitri Pletenchuk, zëdhënës i administratës ushtarake, zbuloi të dhënat: një javë më parë binin 80 bomba çdo 24 orë, tani tejkalojnë 150, ka të paktën një vdekje civile në ditë, të plagosurit janë mesatarisht pesëmbëdhjetë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
-
Alejandra Rodriguez konkurron për Miss Universe në moshën 60-vjeçare
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës