Autoritetet ukrainase kanë përfunduar përgatitjet për një kundërofensivë kundër forcave ruse dhe është kryesisht e gatshme që ajo të vazhdojë, tha të premten ministri i Mbrojtjes Oleksii Reznikov.
“Sapo të ketë vullnetin e Zotit, motin dhe vendimin e komandantëve, ne do ta kryejmë atë”, tha ai në një konferencë të lajmeve në internet.
Ai nuk dha datë të saktë se kur do të fillonte kundërsulmi, por shtoi se: “Globalisht, ne jemi gati në një përqindje të lartë”.
Lajmi u bë i ditur nga agjencia britanike “Reuters”.
Kiev-i zyrtar shpreson se kundërsulmi i tij i planifikuar do të ndryshojë dinamikën e luftës që është ndezur qëkurse Rusia pushtoi Ukrainën 14 muaj më parë.
Rusia mban një pjesë të territorit ukrainas në lindje, jug dhe juglindje.
Ushtria e Ukrainës tha në raportin e saj të fundit ditor mbi luftën se Bakhmut, një qytet i vogël në lindje, mbeti fokusi i luftimeve.
Sekretari i Përgjithshëm i NATO-s Jens Stoltenberg tha këtë javë se aleatët dhe partnerët e huaj të Kievit kishin dorëzuar pothuajse të gjitha automjetet e tyre luftarake të premtuara në Ukrainë.
Reznikov tha se Ukraina kishte marrë shumë pajisje moderne, duke përfshirë armë që do të shërbenin si një “grusht i hekurt” dhe se trajnimi për disa pajisje perëndimore po vazhdonte.
Mijëra trupa ukrainase janë trajnuar në Perëndim për të përdorur mjete të ndryshme ushtarake në fushën e betejës në një mënyrë të kombinuar.
Rusia nis një sulm ajror vdekjeprurës në Ukrainë, duke goditur Kievin
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
