![](https://albanianpost.com/wp-content/uploads/2022/03/zelenskjy.png)
Presidenti i Ukrainës Volodymyr Zelensky, ka nënshkruar një dekret i cili u bën thirrje forcave ushtarake të cilat janë duke shërbyer jashtë vendit me mision paqeruajtës të kthehen në Ukrainë për të luftuar kundër Rusisë.
Kjo u bë e ditur nga zëvendëshefi i Zyrës së Presidentit Andriy Sibiga, i cili e ka publikuar dekretin.
Ukraina ka një numër të ushtarëve që shërbejnë në Kosovë në kuadër të KFOR-it.
“Presidenti i Ukrainës, Zelensky, ka vendosur të thërrasë paqeruajtësit Ukrainës me përvojë të lartë ushtarake nga të gjitha misionet në botë së bashku me pajisjet e tyre për të forcuar ushtrinë ukrainase tani kundër agresionit rus”.
Presidenti ukrainas përveç që po tërheq të gjitha trupat e ushtrisë që i ka në misione të ndryshme nëpër botë, ka ftuar edhe njerëzit në mbarë botën që t’i bashkohen në luftë kundër Rusisë.
Në një deklaratë dhënë ditë ë parë, ai kishte akuzuar ushtrinë ruse për vrasjen e civilëve dhe kishte lavdëruar ukrainasit për guximin për t’u mbrojtur.
“Ukrainasit kanë shfaqur guximin për të mbrojtur atdheun e tyre dhe për të shpëtuar Evropën dhe vlerat e saj nga një sulm rus.
Ky nuk është vetëm pushtimi i Rusisë në Ukrainë. Ky është fillimi i një lufte kundër Evropës, kundër strukturave evropiane, kundër demokracisë, kundër njeriut bazë. të drejtat, kundër një rendi global ligjor, rregullave dhe bashkëjetesës paqësore”, kishte thënë Zelensky.
Duke iu drejtuar “të gjithë qytetarëve të botës, miqve të Ukrainës, paqes dhe demokracisë”, Zelensky tha: “Kushdo që dëshiron të bashkohet me mbrojtjen e Ukrainës, Evropës dhe botës mund të vijë dhe të luftojë krah për krah me ukrainasit kundër kriminelëve rusë të luftës.”
Ai madje saktësoi se ata që dëshirojnë të bashkohen duhet të kontaktojnë Atasheun e Mbrojtjes të Ambasadës së Ukrainës në vendet e tyre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com