Ministria e Mbrojtjes e Ukrainës ka bërë me dije se ka dërguar përforcime ushtarake për të ndihmuar në zmbrapsjen e sulmeve ruse në zonat kufitare të rajonit të Kharkiv në verilindje.
Referuar njoftimit, trupat ruse u përpoqën të depërtojnë me automjete të blinduara herët në mëngjes.
“Rreth orës 05:00 të mëngjesit, armiku u përpoq të depërtonte në vijën tonë mbrojtëse nën mbulesën e mjeteve të blinduara. Deri më tani, këto sulme janë zmbrapsur; betejat me intensitet të ndryshëm vazhdojnë”, thuhet në njoftimin e ministrisë.
Megjithëse ofensiva e Rusisë është e përqendruar në rajonin e Donetskut, Kievi ka vënë në dukje një grumbullim të fundit të trupave pranë rajonit të Kharkivit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
