Një tifoz bëri udhëtimin prej 1 mijë e 200 milje nga Florida në Filadelfia të shtunën në mbrëmje, në mënyrë që të mund të shikonte debutimin e Lionel Messi-t në Inter Miami.
Megjithatë ai nuk mundi ta realizonte ëndrrën e tij, pasi që Messi nuk luajti.
Në fillim të këtij muaji, Messi më në fund konfirmoi transferimin e tij të shumëpërfolur në Major League Soccer pas muajsh spekulimesh.
Kontrata e Messit me klubin MLS vlerësohet mes 125 dhe 150 milionë dollarë, sipas “Miami Herald”.
Big yikes. Safe flight back! pic.twitter.com/t4oRMW4fBr
— Philadelphia Union (@PhilaUnion) June 25, 2023
Sulmuesi argjentinas ka të ngjarë të luajë ndeshjen e tij të parë për Inter Miami-n më 21 korrik në një ndeshje të Kupës së Ligës kundër skuadrës meksikane Cruz Azul, sipas pronarit Jorge Mas.
Mesazhi i Mas, megjithatë, qartësisht nuk arriti tek një tifoz, i cili udhëtoi 1 mijë e 200 milje në Subaru Park me kapacitet prej 18 mijë vetash të shtunën mbrëma për të parë Messi-n.
Pra, ai po e mbante në dorë një pankartë që shkruante “udhëtova 1 mijë e 200 milje për ta parë më të mirin të të gjitha kohërave në futboll”.
Megjithatë, zhgënjimi ishte i qartë te tifozi pasi e kuptoi që Messi-n nuk do të mund ta shihte.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
