Udhëtim oriental në “Louvre Abu Dhabi”

Në iniciativën e tyre për të hartuar muzeun e parë universal në rajon, autoritetet e Emirateve të Bashkuara Arabe kanë zgjedhur projektin “Louvre Abu Dhabi”, për të qëndruar në njohje të madhe të aftësive të muzeut në hartimin e ekspozitës së tij shkencore.

Duke pranuar këtë sfidë, Louvre shtrin ndikimin e tij në një zonë me rritje të shpejtë, në kryqëzimin mes Afrikës dhe Azisë.

Projekti është rezultat i një marrëveshje ndërqeveritare midis Emirateve të Bashkuara Arabe dhe Francës e nënshkruar në 2007.

Ai jep hua për emrin e Louvre për 30 vjet e gjashtë muaj, vepra arti nga 13 institucione Franceze për një dekadë dhe ekspozita të përkohshme për 15 vitet e ardhshme.

Marrëveshja, e cila gjithashtu përfshin një provizion për menaxherët francezë për të mbikëqyrur veprën e huazuar të artit, thuhet se ka kushtuar rreth 1.27 miliardë dollarë.

Ndërtesa, është e projektuar nga arkitekti francez Jean Nouvel, do të ketë një sipërfaqe prej 258 mijë e 300 metra katrorë.

Louvre, është një lojtar kryesor në frontin e diplomacisë kulturore, me këtë shtrirje ndërkombëtare që gjen shprehje në ekspozitat e Evropës, por edhe në Shtetet e Bashkuara, Japoni, Arabinë Saudite, Kinë, Kore, Australi, Singapor, Oman dhe Kanada.

“Ne kërkojmë komunitete paqedashëse, të ndërtuara mbi parimet e bashkëjetesës dhe tolerancës. Ne aspirojmë për një jetë më të mirë për të gjithë, bazuar në dashuri dhe respekt. Abu Dhabi i Louvre, dërgon një mesazh pozitiv botës që ne jemi të aftë t’i japim shpresë këtij rajoni pavarësisht luftërave dhe konflikteve ”.

Kështu ka shkruar Twitter Shkëlqesia e Tij, Shaikh Mohammad Bin Zayed Al Nahyan, Princi i Kurorës i Abu Dhabit dhe Zëvendës Komandanti Suprem i Forcave të Armatosura të Emirateve të Bashkuara Arabe.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.