Autoriteti Spitalor ka bërë me dije se ka ndërruar jetë 24-vjeçarja, e cila së bashku me tre persona të tjerë u përplas nga një makinë në aksin Përrenjas- Qafë Thanë.
Sipas informacioneve paraprake ajo ndodhej prej pesë ditësh në koma.
Nga ana tjetër Policia ka bërë me dije se shtetasi Jetmir Daci, shoferi i cili humbi kontrollin e makinës është arrestuar ditën e sotme.
44-vjeçari nga Dibra akuzohet për veprën penale “Shkelja e rregullave të qarkullimit rrugor”.
“Në vijim të veprimeve të thelluara hetimore dhe procedurale të kryera për zbardhjen e rrethanave të aksidentit të ndodhur më datë 08.04.2024, në aksin rrugor Përrenjas-Qafë Thanë, ku si pasojë mbetën të dëmtuar 4-shtetas, specialistët e Sektorit të Policisë Rrugore kanë ndaluar me iniciativë shtetasin J. D., 44 vjeç, banues në Peshkopi, për veprën penale “Shkelja e rregullave të qarkullimit rrugor”.
Personat e plagosur qëndronin në këmbë para servisit dhe po prisnin që makina e tyre të riparohej, teksa u përplasën nga 44-vjecari.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Prodhimi i armëve”, Çfarë parashikon projektligji i hedhur në konsultim
-
Meloni detyrohet ta shtyjë vizitën për në Shqipëri – kontratë për menaxhimin e emigrantëve, por jo qendra
-
Versioni iranian se vdekja e Raisi-t erdhi nga një defekt teknik nuk i bind ekspertët
-
SHBA-ja kritikon Kosovën për “përshkallëzim të tensioneve” pas mbylljes së degëve të bankës serbe në veri