![](https://albanianpost.com/wp-content/uploads/2022/03/rett-scaled.jpg)
Platforma Twitter do të eksperimentojë duke lejuar kompanitë të shfaqin deri në 50 produkte për shitje në profilet e tyre.
Kështu ka bërë me dije kompania, si pjesë e një përpjekjeje për të fituar një pjesë të tregut amerikan prej 45 miliardë dollarësh për të ashtuquajturën tregti elektronike.
Mësohet se testimi i Twitter Shops do të jetë i disponueshëm për biznese të zgjedhura në Shtetet e Bashkuara të Amerikës dhe do të jetë i dukshëm për njerëzit që përdorin aplikacionin Twitter në iPhone.
Nëpërmjet veçorisë së re, pasi shohin produktin e shfaqur në Twitter, përdoruesit ridrejtohen në faqen e internetit të tregtarit për të realizuar blerjen e tij.
Ky eksperiment i tanishëm është zgjatim i një veçorie të mëparshme që kompania nisi vitin e kaluar. Ajo lejonte markat të shfaqnin deri në pesë produkte në krye të profileve të tyre.
Po ashtu kompania po eksperimenton me blerjet me transmetim të drejtpërdrejtë.
Kjo e fundit i lejon njerëzit të blejnë veshje, aksesorë dhe sende të tjera teksa shikojnë video live nga marka rreth produkteve.
Marrë nga “Reuters”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Meta prezanton aplikacionin e inteligjencës artificiale me burim të hapur
-
Musk zhvendos selinë e SpaceX dhe X në Texas – Çfarë qëndron pas lëvizjes?
-
Krijimet e AI mund të rrisin krijimtarinë e shkrimtarëve, por rezultojnë në histori të ngjashme
-
Musk gati për ‘betejë gjyqësore’ kundër goditjes nga rregullatorët e BE-së
Lajmet kryesore
-
Pakti PS-PD për reformën zgjedhore kalon sot në filtrin e Kuvendit
-
Kreu i ILD-së: Komunikimi diplomatik për drejtësinë, ndihmon procesin integrues të vendit në BE
-
Shefi i ri i ushtrisë britanike: Le të përgatitemi për një luftë botërore brenda tre viteve
-
KFOR-i angazhohet në shuarjen e zjarreve në Kosovë e Shqipëri