Presidenti turk, Recep Tayyip Erdogan, deklaroi se Turqia nuk ka marrë ende ndonjë propozim konkret për të adresuar shqetësimet e saj.
Kjo, lidhur me aplikimet e Finlandës dhe Suedisë për anëtarësim në NATO, gjë që Ankaraja zyrtare e kundërshton.
Lajmi u bë i ditur nga agjencia “Reuters”, duke cituar fjalën e kreut të shtetit në parlament.
Erdogan u shpreh se Turqia dëshiron të shohë një “qasje të sinqertë” nga dy vendet skandinave ndaj shqetësimeve të saj.
Ai shtoi se Ankaraja nuk do të ndryshojë këndvështrimin e saj nëse nuk sheh hapa konkretë dhe të detyrueshëm.
Presidenti turk theksoi gjithashtu se kundërshtimet e Turqisë ndaj kërkesave të Stokholm-it dhe Helsink-it për anëtarësim nuk ishin “oportunizëm”, por më tepër një çështje e sigurisë kombëtare.
Turqia ka publikuar një listë të kërkesave të saj për të rënë dakord për anëtarësimin e Suedisë dhe Finlandës.
Të 30 vendet e NATO-s duhet të japin pëlqimin e tyre përpara se të pranohet një anëtar i ri, duke përfituar kështu nga garancia e sigurisë kolektive.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rezultatet e para nxjerrin në avantazh Lëvizjen Kombëtare të ekstremit të djathtë
-
Hapet aksi Thumanë-Kashar, Rama: Shumë shpejt fillon rruga e Ndroqit dhe zgjerimi i Tiranë-Durrës
-
Disa baza ushtarake amerikane në Evropë janë në gatishmëri të shtuar mes kërcënimeve të mundshme terroriste
-
Borrelli e Lajçaku porosi Kosovës e Serbisë: Pritshmëritë e BE-së s’do të ndryshojnë – marrëveshjet vlejnë edhe pa nënshkrim