Në tremujorin e dytë të vitit 2021, Shqipëria rezultoi me 3.19 milionë karta SIM në përdorim, krahasuar me 3.17 milionë në tremujorin e mëparshëm dhe 3.16 milionë në tremujorin e dytë të vitit 2020.
Sipas të dhënave të publikuara nga Autoriteti i Komunikimeve Elektronike dhe Postare, Vodafone Albania kryesonte me 1.38 milionë karta SIM, e ndjekur nga One Telecommunications me 1.25 milionë dhe Albtelecom me 545 mijë e 429.
Ndërkohë, referuar të dhënave, abonentët e linjës fikse arritën në 211 mijë e 150, me 3.5 për qind më pak se në tremujorin e mëparshëm dhe 10.7 për qind nga viti në vit.
Në këtë sferë, Albtelecom-i ishte lider në treg me 158 mijë e 786 linja e ndjekur nga ASC me 27 mijë e 828 dhe të tjerët me 7 mijë e 340. Pastaj, Vodafone-i me 8 mijë e 883, Abissnet-i me 4 mijë e 163 dhe Nisatel-i me 4 mijë e 150.
Sipas autoritetit, rezultonin aktivë 2.06 milionë përdorues të brezit të gjerë celular (3G dhe 4G), çka karakterizon një rritje me 1.5 për qind në tremujorin e mëparshëm dhe me 31.7 për qind nga viti në vit.
Dhe Vodafone Albania kishte më së shumti përdorues të përllogaritur në 963 mijë e 338, me 27.6 për qind rritje nga viti në vit.
Lidhur me tremujorin e mëparshëm, lidhjet fikse me brez të gjerë arritën në 526 mijë e 891, një rritje prej 1.8 për qind dhe 11.5 për qind nga viti në vit. Këtu kryesonte Albtelecom-i me 121 mijë e 846.
Kurse numri i abonentëve në paketat e shërbimeve të integruara (telefonia fikse, interneti dhe televizori) pësoi një rritje prej 7.1 për qind nga një vit më parë, kanë treguar të dhënat.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Fitimet e investitorëve të huaj arrijnë rekord në Shqipëri
-
Parashikimi i motit, 25 prill 2024
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Rama: Reportazhi i Rai-t është bërë për të sulmuar Melonin duke përdorur shëmtuar Shqipërinë dhe Agaçin
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Fitimet e investitorëve të huaj arrijnë rekord në Shqipëri
-
Perëndimi duhet të forcojë mbrojtjen pasi epoka e paqes në Evropë ka përfunduar, thotë Kuleba
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova