Trajnerët më të paguar në Euro 2024: Southgate në krye, Sylvinho i 16-ti

Edicioni i 17-të i Kampionatit Evropian të Futbollit është gati të nisë dhe këtë vit do të mbahet në Gjermani dhe që do të rikthehet të luhet në një vend të vetëm, pas edicionit udhëtues të vitit 2021 (shtyrë për shkak të emergjencës së koronavirusit).

Shumë ekipe kombëtare janë kandidate për fitoren përfundimtare, për një rrugë që do ta shohë Italinë të synojë të mbrojë titullin e fituar në “Wembley” kundër Anglisë.

Me disa përjashtime (sidomos për Brazilin dhe Argjentinën), shumë nga futbollistët më të mirë në planet do të garojnë për të arritur në fund të kampionatit evropian. Ata variojnë nga ai që duhet të jetë turneu i fundit i madh me Portugalinë për Cristiano Ronaldo-n, përmes francezit dhe nënshkrimit të ri të Real Madrid-it, Kylian Mbappe, deri te belgu Romelu Lukaku. Ose edhe talentet e Spanjës, nga Pedri te Nico Williams dhe Gjermanisë si Florian Wirtz apo Jamal Musiala.

Do të jetë gjithashtu skena e shkëlqyer për trajnerët, të cilët do të gjenden në qendër të vëmendjes për një muaj, për të shfrytëzuar mirë një punë që ka zgjatur katër vjet (me disa përjashtime).

Pagat e klubeve janë të vështira për t’u krahasuar me ato të Federatave, por ka trajnerë që futin në xhep shuma të majme, në disa raste edhe më të larta se realitetet e tjera. Për sa po flasim?

Më i paguari, sipas “Finance Football”, duke marrë parasysh kombëtaret e pranishme në Euro 2024, është anglezi Gareth Southgate i cili krenohet me një marrëveshje prej 5.8 milionë euro neto në vit.

Më pas në renditje është gjermani Julian Nagelsmann, i cili merr rreth 4.8 milionë euro për rolin e trajnerit të Gjermanisë.

Podiumi mbyllet me Roberto Martinez, i cili pas eksperiencës në Belgjikë zuri vendin në stolin e Portugalisë.

Trajneri i Shqipërisë, Sylvinho, përfiton një pagë neto prej 750 mijë eurosh. Braziliani, i vetmi trajner jo-evropian në Euro 2024, renditet në vendin e 16 nga 24 trajnerët e pranishëm në turne.

Willy Sagnol i Gjeorgjisë është trajneri më pak i paguar. Ai përfiton vetëm 200 mijë euro neto.

Renditja e trajnerëve më të paguar në Euro 2024:

1.Gareth Southgate (Angli) – 5.8 milionë euro neto

2.Julian Nagelsmann (Gjermani) – 4.8 milionë euro neto

3.Roberto Martinez (Portugali) – 4 milionë euro neto

4.Didier Deschamps (Francë) – 3.8 milionë euro neto

5.Ronald Koeman (Holandë) – 3 milionë euro neto

6.Luciano Spalletti (Itali) – 2.8 milionë euro neto

7.Vincenzo Montella (Turqi) – 1.8 milionë euro neto

8.Murat Yakin (Zvicër) – 1.6 milionë euro neto

9.Ralf Rangnick (Austri) – 1.5 milionë euro neto

10.Domenico Tedesco (Belgjikë) – 1.5 milionë euro neto

11.Zlatko Dalic (Kroaci) – 1.5 milionë euro neto

12.Dragan Stojkovic (Serbi) – 1.4 milionë euro neto

13.Luis de la Fuente (Spanjë) – 1.25 milionë euro neto

14.Serhiy Rebrov (Ukrainë) – 1.25 milionë euro neto

15.Kasper Hjulmand (Danimarkë) – 1.15 milionë euro neto

16.Sylvinho (Shqipëri) – 750 mijë euro neto

17.Michal Probierz (Poloni) – 560 mijë euro neto

18.Steve Clark (Skoci) – 550 mijë euro neto

19.Francesco Calzona (Sllovaki) – 540 mijë euro neto

20.Marco Rossi (Hungari) – 300 mijë euro neto

21.Matjaz Kek (Slloveni) – 300 mijë euro neto

22.Ivan Hasek (Çeki) – 250 mijë euro neto

23.Edward Iordanescu (Rumani) – 240 mijë euro neto

24.Willy Sagnol (Gjeorgji) – 200 mijë euro neto

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.