Top 10 sponsorët më legjendar në fanellat e futbollit

Webfaqja fourfourtwo, ka renditur disa prej ekipeve më legjendare të arenës evropiane, por me fokus të veçant mbi sponsorët e tyre.

10. Bayern Munich dhe T-Mobile | 2002 – vazhdon edhe sot

T-Mobile ka qenë sponsor kryesor i gjigantëve të Bavarisë që nga një kohë të cilën askush nuk mban se ç’kishte para saj.

Megjithëse nuk përbën ndonjë risi krahasuar me pjesën tjetër të sponsorëve prezente në këtë listë, Bayern-i meriton të përmendet për pikërisht jetëgjatësinë e kontratës me T-Mobile – tashmë thuajse dy dekada me ta.

9. Boca Juniors me Quilmes | 1995 – 2001

Në 1995 argjentinasit e Boca Juniors nënshkruan kontratë sponsorizimi me Nike dhe Quilmes. Çfarë është Quilmes? Birrë argjentinase, e cila prodhohet në Buenos Aires. Nike bashkë me Quilmes u bënë emblema më të cilën Boca Juniors identifikoheshin lehtësisht nëpër botë, jo vetëm në Amerikën Latine.

8. PSV Eindhoven dhe Philips |1981 – 2016

Është e pamundur të mënjanosh perfeksionin simetrik të qendrimit të logos së kompanisë Philips mbi fanellën bardheblu e Eindhoven-it. Vijat e trasha të fanellës, kombinuar me kornizimin në të zezë të jakës dhe fund-mënëgëve, me formën e shkrimit në të zezë të “Philips”, kanë qenë ikona se si duhet ndërthurur sponsori me dizajnin e fanellës pa ja tjetërsuar identitetin.

7. Newcastle United dhe Newcastle Brown Ale | 1994 – 2000

Newcastle Brown Ale është padiskutim brandi më i njohur i një ekipi me origjinë nga very-lindja e Britanisë… sigurisht, pas atij të Newcastle United. Veç faktik se Newkie Broën [shkurtim zhargonik i Newcastle] është nje pije alkoolike mjaft e shijshme për britanikët, bashkimi i saj me klubin Neëcastle mëshoi edhe më reputacionin e tyre në atë çka ishte periudha e tyre më e mirë ne Premier Ligë.

6. Ajax dhe ABN-Amro | 1991 – 2008

ABN-Amro është emri i një banke hollandeze me qendër-operimi në Amsterdam. Logo i sponsorit të tyre krijoi risi në historinë e futbollit, pasi qe i vetmi i asaj kohe që shtrihej vertikalisht në anë të fanellës së Ajax-it. Në një farë mënyrë dhe e shkruar ndryshe, Ajax-i uniformizoi dizajnin e tyre me këtë ide, duke qenë se ngjyrat bardhekuq duken si blloqe tullash të montuara mbi një bluzë. Pra, rrjedhin vertikalisht, njëlloj si logo I ABN-Amro.

5. Liverpool dhe Carslberg | 1992 – 2010

Carlsberg ka qëndruar me Liverpool-in që në fillimet e periudhës në të cilën të kuqtë shpërndanin paratë sikur të mos ishin asgjë, me shpresën për t’i parë të paktën njëherë të ngrinin kupën e Premier Ligës. Në 2010 birra daneze Carlsberg mërzitet dhe i jep divorcin të kuqve. Të njejtin vit por më vonë, Liverpool ‘kruhet’ me Standard Chartered, një tjetër brand birre por shumë, shumë pak interesante. Sidoqoft, siç e ka shprehja: Birra gjithmon fiton.

 

4. AC Milan dhe Opel | 1994 – 2006

Marka gjermane e makinave Opel, ka qenë sponsor edhe e Bayern Munich-ut, edhe e PSG-s por, kulmin pamor e ka pasur tek AC Milan. Opel ka dëgjuar disa nga brohoritjet festive më të zhurmshme që kanë kumbuar ndonjëherë, si dhe ka parë lotët më të rëndë të rënë ndonjëherë për klubin nga Milano – me katër tituj në Serie A, një Kupë Italie dhe dy Liga të Kampionëve, kuqezinjtë e Milano-s jo vetëm që respektoheshin në gjithë botën, por dominonin. Mendoni për Milan-in e Carlo Ancelotti-t të fillim viteve 2000.

3. Manchester United dhe Sharp | 1982 – 2001

Vitet e para të Manchester United nën menaxhimin e Sir Alex Ferguson, janë udhëhequr me markën Sharp në ball të fanellës së kuqe. Çfarë lidh një brand japonez me United të viteve 82? Që prej 1970-ës, një nga fabrikat e Sharp, e cila prodhon pajisje elektronike, ishte në Neëton Heath, zonë e Manchester-it dhe pikërisht kjo afërsi u bë shkak i këtij partneriteti prej afërsisht dy dekadash me një ndër klubet më legjendare në botë.

2. Fiorentina dhe Nintento | 1997 – 1999

Nuk ekziston asnjë marrëveshje sponsorësh me jetëshkrutër sa rasti i Fiorentina-s, por njëkohesisht, asnjë ekip i madh italian nuk ka shkelur mbi barin e gjelbërt të fushave të futbollit me një logo më të spikatur se sa ai i Nintendo-s. Nintendo u bë sponsori parësor i Fiorentina-s në të njejtin vit në të cilin lëshoi në tregun botëror platformën e re të video lojrave, “Nintendo 64”. Pra, Nintendo është kompani japoneze e cila prodhon platforma video lojrash dhe video lojra njëkohësisht. Sa i përket stilit dhe veçantisë, Fiore do të ishte në krye të këtij klasifikimi (edhe pse shijet nuk diskutohen), po të mos ishte për…

1. Inter dhe Pirelli | 1995 – 2021

Fatkeqsisht, qëndrimi i Pirelli-t tek bluzat e zibluve të Inter-it, përfundon këtë vit për shkak të vështirësive ekonomike.

Sidoqoft, Inter dhe Pirelli kanë qenë të pandarë që prej 95-ës. Kur e sheh në përspektivë, duket me të vërtetë si një jetë më parë, sa i përket transformimit që ka pësuar fanella e Inter-it, brenda kontekstit futbollistik. Kompania italiane përgjegjëse për prodhimin e gomë-rrotave për autovetura, ka parë thuajse çdo tranzicion madhor të Inter-it përgjatë 25 viteve të fundit. Nuk bëhet fjalë vetëm për jetëgjatësinë, por edhe për apelin estetik të uniformës. ‘P’-ja e gjatë që mbulon si strehë gjithë pjesën tjetër të logos, nga një këndvështrim pak më artistik, duket sikur ka shërbyer si strehë qëndrese për Inter-in përgjatë gjithë kësaj kohe, deri diku si një ëngjëll mbrojtës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com