Sport

Tjetër gjigand evropian futet në garë për transferimin e Brojës


Armando Broja me shumë gjasa do të largohet nga Chelsea në afatin kalimtar të janarit.

Për sulmuesin e talentuar shqiptar kanë shprehur interesim shumë klube të mëdha evropiane, përfshirë disa West Ham e Milan, derisa së fundmi ka hyrë në garë edhe Atletico Madrid.

Sipas asaj që shkruajnë mediat spanjolle, trajneri i Atletico-s, Diego Simeone është një adhurues i madh i bomberit kuqezi dhe dëshiron me çdo kusht ta ketë në skuadër.

Mediat në Spanjë raportojnë që Atletico do ta bëjë një ofertë prej rreth 30 milionë euro në dimrin e ardhshëm, për ta transferuar Brojën.

21-vjeçari këtë edicion ka zhvilluar 14 ndeshje në të gjitha garat me Chelsea-n, ku ka edhe një gol të realizuar.

Megjithatë, shumica e këtyre ndeshjeve ishin nga banka rezervë, pasi që ai nuk po arrin të jetë në formacionin titullar te blutë e Londrës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore