Tirana zgjidh përfundimisht ngërçin e merkatos

Tirana arrin të zhbllokoj merkaton e saj dhe nga dita e sotme e në vazhdim, klubi kryeqytetas ka marrë autorësi të plotë.

Klubi i Tiranës njofton zyrtarisht se ka fituar gjyqin me FIFA-n për një tjetër çështje transferte me ekipin Wayad Casablanca për lojtarin Moktar Cisse:

“KF Tirana njofton se ka zgjidhur përfundimisht çështjen e bllokimit të merkatos. Pas orësh të gjata komunikimi me zyrtarë të FIFA-s bëjmë me dije se ditën e sotme është hapur sërish mundësia e transferimit të lojtarëve. Nga sot do të vijojmë të kryejmë të gjitha procedurat e nevojshme për zyrtarizimin e emrave te rinj që do të afrohen në klub dhe do të mbajnë veshur fanellën në vazhdimësi të sezonit”.

Përmbledhje e shkurtër e historikut të bllokimeve të merkatos së Tiranës

Tirana vuante një histori borxhesh, padish dhe gjobash të pashlyera që prej vitit 2013, kur ajo tranferoi Ilir Kastratin nga Panathinaikos, pa shlyer shumën e parave që i detyrohei ekipit grek.

Kamat vonesat dhe problemtika të tjera në kohë, ia shumëfishuan pagesën nga afërsisht 134 mijë euro në 150 mijë euro.

Ndërkaq, FIFA u vu në lojë duke i bllokuar veprimet e merkatos deri sa bardheblutë të dëmshpërblenin individët, si dhe ekipet e dëmtuara.

Më pas, në janar 2017 Tiranës iu bllokua merkato sërish. Kësaj rradhe për sesionin e dimrit pas penalizimit të rradhës nga FIFA, për shkak të borxheve pararendëse ndaj Martin Kavdenski-t./AlbanianPost.com

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.