Tirana ka arritur të mund minimalisht 1-0 Kukësin me një gol në minutat e fundit të ndeshjes.
“Air Albania” priti takimin e javës së 31-të në Abissnet Superiores mes Tiranës vendase dhe Kukësit.
Një ndeshje shumë e luftuar dhe me disa raste të mira shënimi do të vulosej vetëm nga një gol i minutës së 88-të nga Kristal Abazaj.
Miqtë pretenduan për një penallti në minutën e 70, por pas rishikimit të rastit në VAR nuk u akordua një e tillë nga gjyqtari Olsid Ferataj.
Me fitoren e arritur, Tirana ngjitet në vendin e katërt në Superiore me 43 pikë, po aq sa Dinamo City e cila kalon në vendin e pestë, por me një ndeshje më pak.
Kukësi qëndron në fund të renditjes me 26 pikë dhe duket se tashmë Kategoria e Parë është gjithnjë e më pranë tyre.
Superiorja do të vijojë këtë të shtunë me dy takime të tjera, duke filluar nga ora 18:00: Vllaznia – Laçi dhe Skënderbeu – Teuta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com