Tim Cook në një podcast me Dua Lipën tregon se kush do të mund ta zëvendësonte atë në pozitën e CEO
![](https://albanianpost.com/wp-content/uploads/2023/12/7cover_p7gb.jpg)
CEO i kompanisë Apple, Tim Cook, ka deklaruar se, megjithëse nuk ka në plan të tërhiqet nga posti i tij aktual, ka një vizion për një person që do ta zëvendësonte atë në të ardhmen.
Në një intervistë të fundit në një podcast me artisten Dua Lipa, Cook u pyet në lidhje me zëvendësimin e tij si “Shef Ekzekutiv i Apple”. Ai shprehu dëshirën që ky person i ri të vijë nga brenda kompanisë.
“Unë me të vërtetë dua që ai person të jetë brenda kompanisë Apple”, tha Cook, ndërsa kujtoi se ky është një proces që kërkon kohë dhe vlerësoi pyetjen e Dua Lipës për këtë temë të ndjeshme.
Në ndërkohë, Cook përmendi se ai vetë nuk mund të paramendonte jetën e tij pa rolin e tij në Apple dhe nuk ka ndonjë plan për të lënë postin e tij. Megjithatë, ai pranoi se kompania ka një plan të përgatitur në rast se ndodh diçka para se ai të jetë i gatshëm të dorëzojë detyrën e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com