Thomas Jeffrey Hanks ndryshon pamjen, për filmin e ri

Thomas Jeffrey Hanks, është një nga yjet më të njohur të filmit në të gjithë botën, ndryshe konsiderohet një ikonë kulturore amerikane.

Aktori i famshëm do jetë pjesë e një filmi të ri, për jetën e Elvis Pressley-t, i cili po xhirohet në Australi.

Hanks do të luajë rolin e kolonelit Tom Parker, ndaj i është dashur të ndryshojë look. E dini se çfarë ka guxuar të bëjë ai?

Ndryshimi i parë për artistin e njohur kanë qenë flokët, dhe këtë ai e ka treguar në një lidhje me programin “The Graham Norton Show”. Fillimisht, aktori u shfaq në ekran me një kapele, ndërsa më pas e hoqi atë duke bërë humor me pamjen e tij.

Filmat e Hanks kanë fituar më shumë se 4.9 miliardë dollarë në Amerikën e veriut dhe më shumë se 9.96 miliardë dollarë në të gjithë botën, duke e bërë atë aktorin e katërt me fitime më të mëdha në Amerikën e Veriut.

Hanks mori famë me rolet kryesore në komeditë “Splash” (1984) dhe “Big”në  (1988). Ai fitoi dy çmime radhazi të akademisë për aktorin më të mirë,  si një avokat homoseksual që vuante nga AIDS në Filadelfia, dhe një djalë i ri me IQ nën mesataren, në Forrest Gump.

Hanks gjithashtu ka fituar shtatë primetime “Emmy Awards” për punën e tij si producent i serialeve dhe filmave televizivë të ndryshëm, duke përfshirë “Nga toka në hënë”, “Band of Brothers” , “John Adams”dhe “The Pacific”.

Rikujtojmë që këtë vit Hanks dhe bashkëshortja e Rita Wilson, kaluan Covid-19./AlbanianPost.com

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.