“The Crown” rikrijon momentin e pasarelës së Kate Middleton në kolegj që magjepsi Princin William

Seriali “The Crown” po kthehet në momentin e modelimit të Kate Middleton në Universitetin e “St. Andrews”.

Së fundmi, Netflix publikoi tetë foto të reja duke lënë të kuptohet se çfarë do të vijë më pas në dramën hit të frymëzuar nga jeta e familjes mbretërore britanike.

Sezoni i gjashtë dhe i fundit i “The Crown”, i cili si serial debutoi në vitin 2016, është i ndarë në një premierë me dy pjesë për kapitullin e tij të fundit.

Pjesa e parë u shfaq premierë më 16 nëntor dhe fokusohet në ngjarjet rreth vdekjes tragjike të Princeshës Diana në vitin 1997, ndërsa pjesa e dytë, do ta ketë premierën më 14 dhjetor dhe pritet ta çojë shfaqjen në fillim të viteve 2000 – duke përfshirë fillimin e dashurisë së Kate dhe Princ William.

“Një vështrim i parë në përfundimin epik”, ka shkruar Netflix në postimin paralajmërues në Instagram, së bashku me datën e publikimit të pjesës dytë.

Seraili paraqet një William të ri (Ed McVey) dhe Kate (Meg Bellamy) duke ndarë një vështrim të përmalluar, të ndjekur nga Mbretëresha Elizabeth (Imelda Staunton) duke qëndruar me Princin Philip (Jonathan Pryce) pranë saj.

Netflix më pas përshkruan atë që duket të jetë dasma e ceremonisë civile të vitit 2005 të Princit Charles dhe Camilla Parker Bowles, të cilët tani njihen si Mbreti Charles dhe Mbretëresha Camilla, të luajtura nga Dominic West dhe Olivia Williams.

Karuseli i afrohet McVey-t që luan William-in, duke u kthyer me një të qeshur përkrah Luther Ford-it si Princ Harry, dhe fustanin ikonik të Kate-së në pasarelë të kolegjit.

Pamja e Netflix tregon Bellamy duke ecur me vetëbesim në një version të rikrijuar të fustanit të stilit të të brendshmeve që princesha Kate, tani 41 vjeçe, veshi ndërsa merrte pjesë në një shfaqje mode në vitin 2002 në Universitetin e “St. Andrews” gjatë vitit të dytë të shkollës.

Momenti i saj i modës në pamjen e guximshme – e cila fillimisht ishte menduar si një fund – thuhet se tërhoqi vëmendjen e Princit William.

Dyshja u përfol se pas shfaqjes së modës kishin kaluar nga miqtë në interesa romantike – dhe pjesa tjetër është histori mbretërore.

Dizajnerja Charlotte Todd, e cila e bëri këtë pjesë si pjesë e lëndës së saj universitare, më parë i tha People, se detyra e saj “quhej “Arti i joshjes”, i cili është vërtet i përshtatshëm.

Edhe pse Todd nuk u takua kurrë me familjen mbretërore, ajo tha se është e kënaqur që ka luajtur qoftë edhe një rol të vogël në martesën eventuale të Kate me William.

Skema joshëse, e cila kushtoi më pak se 50 dollarë për t’u bërë, por më vonë u shit në ankand në vitin 2011 (viti i martesës së William dhe Kate) për 125 mijë .

“Jam e emocionuar”, tha Todd.

“Të gjithë thonë se sfilata ishte kur filloi romanca, kështu që një pjesë e vogël e imja do të jetë gjithmonë pjesë e historisë mbretërore. Është çmenduri”, shtoi ajo.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.