Tetori i këtij viti numëron 127 aksidente rrugore nga 108 aksidente të ndodhura në po të njëjtin muaj të vitit të kaluar.
Shifrat tregojnë një rritje me 17.6 për qind, krahasuar me tetorin e vitit 2020, dallon një raport i fundit nga Instituti i Statistikave (INSTAT).
Ndërkaq, dhjetëmujori i vitit 2021 paraqitet me një rritje prej 13.8 për qind, ku numërohen 1 mijë e 151 aksidente rrugore nga 1 mijë e 11 aksidente të ndodhura në dhjetëmujorin e vitit paraardhës.
Numri i të aksidentuarve këtë tetor, të vrarë dhe të plagosur, është 179 persona nga 148 që ishte në të njëjtën muaj të një viti më parë.
Kurse në dhjetëmujorin e vitit 2021, numri i të aksidentuarve është 1 mijë e 570 persona nga 1 mijë e 312 persona në dhjetëmujorin e vitit 2020.
Numri i të vdekurve në tetorin e këtij viti nga aksidentet rrugore është 14 persona, nga 15 persona të vdekur në të njëjtën periudhë të një viti më parë.
Ndërsa në dhjetëmujorin e vitit 2021, numri i të vdekurve nga aksidentet rrugore është 165 persona. Kjo shifër ka qenë 153 për dhjetëmujorin e vitit 2020.
Në 85.8 për qind të rasteve, aksidentet rrugore në tetor kanë ndodhur si pasojë e sjelljes së drejtuesit të mjetit, veçon INSTAT.
Numri më i lartë i aksidenteve në këtë periudhë është kryer nga grup-mosha 25–34 vjeç, duke zënë 27.6 për qind të numrit të aksidenteve gjithsej.
Kështu, aksidentet në këtë grup-moshë janë rritur me 9.4 për qind, krahasuar me të njëjtën periudhë të një viti më parë.
Kurse në dhjetëmujorin e vitit 2021, aksidentet rrugore, në 15.5 për qind të rasteve, kanë ndodhur si pasojë e sjelljes së këmbësorit.
Gjatë kësaj periudhe, numri i aksidenteve sipas sjelljes së këmbësorit është rritur me 24.5 për qind, krahasuar me të njëjtën periudhë të një viti më parë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi: Ëndrra ime është që të gjithë shqiptarët të jetojnë në një shtet
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Aksioni i Frontex në Ballkan jep efekt, bien drastikisht kalimet e jashtëligjshme
-
Peleshi viziton qendrën e Inovacionit të Kërkimit dhe Mbrojtjes në Hungari
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE