Kompania e makinave elektrike në pronësi të miliarderit Elon Musk, Tesla, po tërheq 120 mijë e 423 automjete në Shtetet e Bashkuara të Amerikës.
Tërheqja e makinave mësohet se vjen për shkak të rrezikut të zhbllokimit të dyerve të kabinës gjatë një aksidenti.
Kështu ka bërë me dije rregullatori i sigurisë rrugore të vendit, disa ditë pasi ka njoftuar një tjetër tërheqje nga prodhuesi i automjeteve elektrike.
Tesla sakaq ka lëshuar një përditësim të software-in në largësi për të adresuar këtë çështje, ka njoftuar Administrata Kombëtare e Sigurisë së Trafikut në Autostrada (NHTSA).
Tërheqja prek automjetet Model S dhe Model X 2021-2023, pasi njësitë nuk arrijnë të përmbushin disa standarde federale të sigurisë për mbrojtjen nga goditjet anësore.
Jo më larg se javën e kaluar, Tesla tërhoqi mbi dy milionë automjete në SHBA, tërheqja e saj më e madhe ndonjëherë, duke mbuluar pothuajse të gjitha automjetet e saj në rrugët e vendit.
Kompania ka thënë se tërheqja ishte bërë për të instaluar masa të reja mbrojtëse në sistemin e avancuar të ndihmës së shoferit Autopilot, pasi një rregullator federal përmendi shqetësimet e sigurisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti pranon se raporti i DASH-it ka kritika për Qeverinë, çuditet pse s’u cituan “Freedom House” e “Transparency International”
-
Trazirat në protestën para Bashkisë së Tiranës, arrestohet 31-vjeçari
-
Ekuipazhi i anijes së lidhur me Izraelin do të lirohet, thotë Irani
-
Këshilli i Evropës, Kurti: Asociacioni duhet të jetë në përputhje me ligjin dhe kushtetutën
