Shefi i EULEX-it, Lars-Gunnar Wigemark, ka thënë se është i shqetësuar pas shpërthimeve që ndodhen të martën në pjesën veriore të Kosovës.
“Të shqetësuar për incidentet e djeshme në veri të Kosovës. Çdo protestë duhet të jetë paqësore dhe të gjithë duhet të qëndrojnë të qetë dhe të përmbajtur”, ka shkruar Wigemark në Twitter.
Ai ka theksuar se EULEX-i po e monitoron situatën dhe është në koordinim me organet e rendit.
“EULEX do të vazhdojë të monitorojë situatën në koordinim të ngushtë me Policinë e Kosovës dhe NATO-KFOR-in”, ka shtuar ai.
Concerned with yesterday’s incidents in northern Kosovo. Any protests should be peaceful and everyone should remain calm and show restraint. @EULEXKosovo will continue to monitor the situation in close coordination with Kosovo Police and @NATO_KFOR
— Lars-Gunnar Wigemark (@LarsGWigemark) December 7, 2022
Të martën në mbrëmje, ekipet e deminimit të KFOR’it, kanë shpërthyer në mënyrë të kontrolluar granatën e cila ishte gjetur në objektin e Komisionit Komunal të Zgjedhjeve në pjesën veriore të Mitrovicës, ku gjatë ditës ka pasur shkrepje armësh e shpërthime, por nuk është raportuar për ndonjë të lënduar.
Sa i përket gjendjen në terren, nga Policia kanë njoftuar se dëmtime të zyrave të komisionit zgjedhor komunal janë bërë nga persona apo grupe të maskuara, të dhunshëm të cilët kanë përdorur mjete të rrezikshme, përfshirë granata dore të prodhimit jugosllav.
Ndërkaq, Policia ka njoftuar se njësitë policore të rendit publik kanë asistuar zyrtarët e Komisionit Komunal Zgjedhor në zyrat e komisionit komunal zgjedhor, të cilat ndodhen në komunat Zubin Potok e Mitrovicë Veri me qellim të kryerjes së detyrave dhe kompetencave të tyre ligjore.
Kryeministri i Kosovës, Albin Kurti, ka thënë se aktiviteti i bandave kriminale në Veri është intensifikuar, sepse ata e dinë “që po iu vije fundi”.
“Bandat kriminale kanë intensifikuar sulmet në veri të Kosovës. Ato e dinë se po ju vije fundi. Qeveria e Kosovës as s’bën pazare me to dhe as s’i duron ato. Bombat që hedhin, plumbat që shkrepin dhe maskat që vendosin janë pafuqia e tyre politike e popullore”, shkroi Kurti në Facebook.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Masakra e Tusuzit | Haradinaj: Dëshmi e gjallë e barbarisë serbe – s’do të ndalemi kurrë së kërkuari drejtësi
-
A negocioi KFOR-i për tërheqjen e grupit të Radoiçiçit – komiteti i NATO-s konstaton, misioni paqeruajtës e mohon, qeveria hesht
-
Gërvalla sugjeron ndërkombëtarët ta ndërrojnë strategjinë: Serbia paraqet rrezik për rajonin dhe paqen në Evropë
-
KFOR-i mohon pretendimet se “negocioi” tërheqjen e grupit të Radoiçiçit nga Banja
Lajmet kryesore
-
A negocioi KFOR-i për tërheqjen e grupit të Radoiçiçit – komiteti i NATO-s konstaton, misioni paqeruajtës e mohon, qeveria hesht
-
Egnatia fiton titullin e parë në historinë e klubit në Superiore
-
Hamasi nga Rafahu shënjestron Tel Avivin, pse tani
-
Nga Basquiat te Warhol: Ja se si ndryshoi gjithçka në artin e 1984-s