“Tensionet e fundit Kosovë – Serbi”, temë e mundshme në Asamblenë Parlamentare të Këshillit të Evropës
Asambleja Parlamentare e Këshillit të Evropës mund të diskutojë për tensionet e fundit mes Kosovës dhe Serbisë në seancën dimërore, e cila do të mbahet nga e hëna deri më 27 janar, bëhet e ditur në faqen e APKiE-së.
“Ka pasur edhe kërkesë për një debat për aktualitetin me temën ‘Tensionet e fundit ndërmjet Prishtinës dhe Beogradit’”, thuhet në njoftimin që flet për agjendën e sesionit dimëror.
Por, tema kryesore është një debat urgjent mbi aspektet ligjore dhe të të drejtave të njeriut të agresionit të Federatës Ruse kundër Ukrainës, me pjesëmarrjen e Oleksandra Matviichuk, Kryetare e Qendrës për Liritë Civile, laureate e Çmimit Nobel për Paqen 2022.
Kjo do të jetë ndër pikat kryesore të seancës plenare të dimrit.
Do të ketë edhe fjalime nga kryeministrja e Islandës, Katrin Jakobsdóttir, dhe Ministrja e Jashtme gjermane Annalena Baerbock.
Po ashtu edhe nga Sekretarja e Përgjithshme e Këshillit të Evropës, Marija Pejçinoviq Buriç, do t’ua prezantojë komunikimin e saj anëtarëve të PACE. Kuvendi do të zgjedhë edhe kryetarin dhe nënkryetarët.
Lufta kundër dhunës ndaj grave do të jetë gjithashtu fokusi i sesionit, me një debat të parë mbi dhunën seksuale të lidhur me konfliktin dhe një debat të dytë të përbashkët mbi Konventën e Stambollit, mbi rolin dhe përgjegjësinë e burrave dhe djemve në ndalimin e dhunës me bazë gjinore kundër grave dhe vajzave, dhe në gjetjen e zgjidhjeve për robërinë martesore.
Tema të tjera në agjendë përfshijnë ndikimin mjedisor të konfliktit të armatosur, luftëtarët e huaj të Daesh-it dhe familjet e tyre që kthehen nga Siria dhe gjetkë, dhe sfidat etike, kulturore dhe arsimore të aplikacioneve për gjurmimin e kontakteve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kina po përgatit një flotë të gjerë ushtarake për të pushtuar Tajvanin, raporton The Telegraph
-
“Është për të ardhur keq – do të duhej të dërgohej në Kushtetuese draft-statuti i Asociacionit”, Cramon për dështimin e Kosovës në KiE
-
Piktura e sapo vërtetuar e Caravaggio-s po shfaqet në Madrid
-
Kina nuk i harron aktivistët pro-demokracisë, edhe pse ndodhen përtej kufijve
Lajmet kryesore
-
Macron dhe Scholz kërkojnë me urgjencë reforma, për ‘Evropën e vdekshme’
-
Detyroni Rusinë të bëjë paqe, Zelensky i kërkon Perëndimit
-
Kuvendi miraton vetëm me votat e shumicës Rezolutën antikorrupsion të PS-së
-
Haradinaj për Kurtin: Supozohet se ishte në lidhje dashurie me vajzën e një ish-ministri të Millosheviçit, i shërben agjendës serbo-ruse