Në kryeqytetin e Maqedonisë së Veriut, më 14 qershor, të premten, do të mbahet Akademi Solemne në Teatrin Shqiptar në Shkup, me rastin e 25 vjetorit të çlirimit të Kosovës.
Lajmi është bërë i ditur nga “Fronti Evropian” – që drejtohet nga Ali Ahmeti – të cilët janë edhe organizatorë të kësaj akademie.
Ngjarja pritet që të fillojë nga ora 14:00.
Ndryshe, çlirimi përfundimtar i Kosovës ka ndodhur më 12 qershor të 1999.
Kjo kishte ardhur pasi që kishte hyrë në fuqi Marrëveshja e Kumanovës, ku Serbia kishte nënshkruar kapitullimin.
Pas nënshkrimit të kësaj marrëveshje kishte nisur edhe tërheqja e forcave serbe nga Kosova.
Tërheqja e plotë e trupave serbe përfundoi më 20 qershor 1999.
Me hyrjen e trupave ndërkombëtare u mundësua edhe kthimi në Kosovë i më shumë se 800 mijë refugjatëve që ishin larguar dhunshëm nga regjimi serb.