Të paktën 12 të vdekur janë konfirmuar nga uragani Ian

Të paktën 12 persona kanë vdekur pasi uragani Ian shkatërroi gjithçka në Florida.

Presidenti amerikan Joe Biden deklaroi se mund të ishte më vdekjeprurësi në historinë e shtetit.

Lajmi u bë i ditur nga transmetuesi “NBC News”.

Që nga mbrëmja e së enjtes, 12 persona u konfirmuan të vdekur nga stuhia, me shtatë prej tyre në qarkun Charlotte.

Kjo e fundit, është një zonë pranë shtrirjes së bregdetit jugperëndimor ku Ian arriti në tokë të mërkurën pasdite.

Duke folur në MSNBC, Komisioneri i Qarkut Charlotte, Christopher Constance ia atribuoi gjashtë nga viktimat një administratori të qarkut. Ai më vonë konfirmoi vdekjen e shtatë.

Dy persona vdiqën në kontenë Sarasota, tha një zëdhënës i sherifit atje, dhe një person u mbyt në Volusia County ndërsa përpiqej të kullonte pishinën e tij, thanë zyrtarët lokalë të zbatimit të ligjit.

Dy persona të tjerë vdiqën në ishullin Sanibel, ku stuhia e kategorisë 4 shkatërroi një rrugë që e lidh atë me Florida-n, tha të enjten menaxheri i qytetit.

Detaje shtesë për viktimat nuk janë bërë menjëherë të disponueshme.

Një nga stuhitë më të fuqishme që ka goditur ndonjëherë Shtetet e Bashkuara, Ian la rreth 2.3 milionë klientë pa energji që nga pasditja e së enjtes.

Disa spitale nuk kishin ujë dhe mijëra banorë u bllokuan në shtëpitë e tyre.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.