Aksi Superiore – Serie A mund të ketë një tjetër lëvizje pas Alen Sherrit, i cili disa ditë më parë u zyrtarizua te Cagliari. Tani duket se futbollisti i Partizanit, Maguette Gueye mund të ndjekë të njejtën rrugë, por me përfundim te Venezia.
Sipas gazetarit italian të transferimeve, Alfredo Pedulla, Maguette po kërkohet nga skuadra e sapopromovuar në Serie A Venezia.
21-vjeçari nga Senegali është pjesë e Partizanit prej tre sezonesh, dhe tani ai duket gati për hapin tjetër në karrierë.
Gjatë tre sezoneve me “Demat e Kuq”, Maguettte ka realizuar 89 paraqitje në të gjitha garat, duke arritur nëntë gola dhe gjashtë asistime.
Sipas “Transfermarkt”, vlera e mesfushorit shkon në 1 milion euro. Megjithatë, nëse shitet, ai pritet të kalojë vlerën e Xhuljano Skukës si shitja më e shtrenjtë në historinë e Superiores së Shqipërisë.
Skuka u shit te Metz për rreth 1.4 milionë euro disa kohë më parë, para se të rikthehej sërish te Partizani.
Për Maguette, Venezia nuk është e vetmja skuadër e interesuar. Villarreal thuhet se është gjithashtu pas lojtarit të Partizanit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
‘Kultura e Hakmarrjes’: Pandëshkueshmëria dhe mungesa e besimit po çojnë në vetëgjyqësi
-
Nis viti i ri shkollor, paketë dhe plan masash për sigurinë e nxënësve
-
Bazat, depot, aeroportet: Objektivat e Kievit në Rusi
-
Osmani: Do të ishte më mirë që Martin Berishaj të largohej nga pozita derisa drejtësia ta japë fjalën e fundit
