Talebanët vazhdojnë të pushtojnë qytetet afgane

Pushtimi i Kandahar dhe Herat janë arritjet më të mëdha deri më tani për talebanët. Ata kanë arritur të marrin 12 nga 34 kryeqytetet krahinore të Afganistanit, si pjesë e një ofensive njëjavore.

Kryengritësit talebanë të Afganistanit, që po përparojnë me shpejtësi, hynë në një kryeqytet të provincës perëndimore.

Kjo u bë e ditur nga një zyrtar afgan të premten e 13 gushtit.

Ndërsa Kabuli në vetvete nuk është ende drejtpërdrejt nën kërcënim, humbjet dhe betejat diku tjetër shtrëngojnë më tej kontrollin e talebanëve të ringjallur.

Këta të fundit kontrollojnë dy të tretat e vendit dhe vazhdojnë të ushtrojnë sulmet e tyre.

Shtetet e Bashkuara dërguan 3 mijë trupa për të ndihmuar në evakuimin e personelit të ambasadës amerikane në Kabul.

Më vete, Britania tha se rreth 600 trupa do të vendoseshin në baza afatshkurtra për të mbështetur shtetasit britanikë që largoheshin nga vendi.

Ndërkaq, Kanadaja po dërgon forca speciale për të ndihmuar në evakuimin e ambasadës së saj.

Mijëra afganë janë larguar nga shtëpitë e tyre mes frikës se talebanët do të imponojnë përsëri një qeveri brutale dhe shtypëse.

Bisedimet e paqes në Katar mbeten të bllokuara, megjithëse diplomatët ende po takohen.

Fazel Haq Ehsan, shefi i këshillit krahinor në provincën perëndimore Ghor, tha të premten se talebanët kishin hyrë në Feroz Koh, kryeqytetin e provincës dhe se kishte luftime brenda qytetit.

Ndërkohë talebanët pretenduan se kishin kapur Qala-e Naw, kryeqytetin e provincës perëndimore Badghis. Nuk kishte asnjë konfirmim zyrtar.

Vlerësimi i fundit i inteligjencës ushtarake amerikane sugjeron që Kabuli mund të vihet nën presionin e kryengritësve brenda 30 ditëve.

Ndërsa kontrolli i plotë i vendit mund të fitohet brenda pak muajsh. Qeveria afgane mund të detyrohet të tërhiqet për të mbrojtur kryeqytetin dhe vetëm disa qytete të tjera, në ditët në vijim, nëse talebanët ruajnë vrullin.

Sulmi përfaqëson një kolaps të forcave afgane, pasi Shtetet e Bashkuara shpenzuan gati dy dekada dhe 830 miliardë dollarë në përpjekje për të krijuar një shtet funksional pasi përmbysjes së talebanëve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.