Hap tejet të rëndësishëm e ka quajtur zëdhënësi BE-së, Peter Stano, takimin e Nivelit të Lartë në Bruksel mes Kryeministrit të Kosovës, Albin Kurti dhe Presidentit të Serbisë, Aleksandër Vuçiç.
Takimin e caktuar më 18 gusht mes Kurtit dhe Vuçiç, Stano e përkufizoi si “takim për të diskutuar mënyrat e përmirësimit të dialogut”.
“[Kurti dhe Vuçiç] po takohen për të diskutuar mënyrat për të përmirësuar dialogun dhe për të parandaluar situatat e së kaluarës”, ka thënë Peter Stano.
“Qëllimi i takimit në ardhje në Bruksel është arritja e progresit në dialogun mes Beogradit dhe Prishtinës, sepse është diçka tepër e domosdoshme në nivelit më të lartë”, tha ai në konferencë për media.
Takimi mes dy liderëve është konfirmuar nga zëdhënësi i BE-së të enjten.
Ky takim në Bruksel vjen në kontekstin e situatës së re të tensionuar mes Kosovës dhe Serbisë në lidhje me dy vendimet e reja të qeverisë kosovare.
Qeveria e Kosovës mori vendim që të ndalojë targat e paligjshme të lëshuara nga MPB-ja serbe si dhe të vendos reciprocitet në lidhje me dokumentet e udhëtimit me Serbinë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti kërkon nga Baerbock vazhdimin e mbështetjes së Gjermanisë për anëtarësimin e Kosovës në KiE
-
Peleshi viziton qendrën e Inovacionit të Kërkimit dhe Mbrojtjes në Hungari
-
Ambasadori rus, Mikhail Afanasiev, përfundon misionin diplomatik në Shqipëri
-
Operacioni policor “Baroni” në Prishtinë dhe Gjilan, sekuestrohen armë zjarri
Lajmet kryesore
-
Rama për “Corriere”: Ndërhyra për të mbrojtur imazhin e vendit tim
-
Opozita i kërkon Kuvendit anulimin e mbledhjes së Komisionit për Shëndetësinë
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
Rohde e përmendi Asociacionin, Kurti kërkon mbështetjen e Gjermanisë për anëtarësimin e Kosovës në KiE