![](https://albanianpost.com/wp-content/uploads/2023/12/besnik-tahiri.jpg)
Shefi i Grupit Parlamentare të Aleancës për Ardhmërinë e Kosovës (AAK), Besnik Tahiri, vlerësoi se gjendja e rrugëve magjistrale në Kosovë, posaçërisht atyre për Podujevë, Gjakovë, Mitrovicë e Gjilan, ngjan në rrugët që të çojnë në Kandahar të Afganistanit, duke qenë se qeveria aktuale nuk arriti të përfundojë asnjë projekt infrastrukturor përgjatë mandatit.
“Rruga për Podujevë është bërë si rrugë për Kandahar, e rrezikshme, e dëmshme për njerzë e vetura dhe gati e patejkalueshme. Pothuajse në të njëjtën gjendje janë edhe rrugët për Gjakovë, Mitrovicë e Gjilan, pra në të katër anët e Kosovës rrugët janë të bllokuara, ndërsa lavdet nuk ndalen”, shkroi deputeti kosovar në “Facebook” të mërkurën herët në mëngjes.
“Mirë është që në këta muajt që i kanë mbetur kësaj qeverie të përfundojë ndonjë rrugë dhe të dalë me diçka konkrete në këtë 4 vjeçar. Përndryshe, shihet që ky kabinet qeveritar është i pazot për të punuar diçka të hajrit për vendin”, shtoi ndër të tjera shefi i deputetëve të AAK-së në një postim.
Ndryshe, zgjerimi i rrugës magjistrale Podujevë–Prishtinë nisi në vitin 2016 në kohën e kryeministrit të atëhershëm kosovar, Isa Mustafa, por që atëherë ka pasur zvarritje të punimeve. Gjithashtu, rruga magjistrale Podujevë–Prishtinë cilësohet “rrugë e vdekjes” për shkak të aksidenteve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ndalohet edhe një person për spiunazh nga rajoni i Mitrovicës
-
Biserko: Serbia po pret ndryshimin e kontekstit ndërkombëtar, që do t’i shkonte për shtati
-
Kosova dhe Serbia takim në Bruksel javen e ardhshme, në nivel të kryenegociatorëve
-
Kurti i bie pishman në Bruksel për takim me Vuçiç-in: Kërkova garancione
Lajmet kryesore
-
Borrell: Kosova s’ishte e gatshme për takim trelateral, Kurti paraqiti tri kushte
-
Grusht shteti në Bolivi, presidenti i kërkon qytetarëve të dalin rrugëve dhe ta mbrojnë
-
Rama flet rreth “dashurisë së verbër” për Evropën dhe zbulon nëse Netanyahu do të arrestohej në Shqipëri pas vendimit të GJNP-së
-
Ndalohet edhe një person për spiunazh nga rajoni i Mitrovicës