Gatimi

Tagliatelle me fileto pule, jo vetem shije


Një drekë fantastike, me sasi të ulët yndyrnash dhe burim i vitaminës C. E thjeshtë për t’u përgatitur, plot aromë dhe shije mesdhetare.

Përbërësit :500 gr tagliatelle, 300 gr fileto pule, 100 gr domate të thara, 1 tufë borzilok

10 domate qershi, 1 lugë kafeje piper i ëmbël i kuq, 100 gr djathë Pecorino i grirë, 70 ml vaj ulliri, 4 thelpinj hudhre, 1 qepë e vogël e grirë.

Përgatitja

Pasi kemi pastruar mirë perimet, i presim domatet e freskëta në 4 pjesë. Më pas presim hollë domatet e thara, grijmë qepën dhe hudhrat hollë.

Në një tenxhere vendosim pastën të ziejë dhe në një tenxhere tjetër fillojmë me përgatitjen e salcës.

Vendosim në tenxhere qepën, hudhrat, fileton e pulës të prerë në kube, domatet e thara. Fillojmë dhe i skuqim për pak minuta.

Më pas vendosim domatet qershi, piperin e kuq, kripën, piperin dhe borzilokun.

Pasi të kenë marrë shijen që ne duam, vendosim pastën në salcë, djathin e grirë, pak vaj ulliri dhe pak lëng nga makaronat e ziera nëse duhet.

/Albanianpost.com


Lajmet kryesore