Szunyog: Kosova i ka përmbushur kushtet për liberalizim

“E dimë sa i rëndësishëm është liberalizimi i vizave për qytetarët e Kosovës. Komisioni i qëndron prapa vendimit të korrikut të vitit 2018 që Kosova i ka përmbushur të gjitha kriteret për liberalizim”.

Kështu ka thënë Shefi i zyrës së Bashkimit Evropian në Kosovë, Tomas Szunyog, pas kritikave të kryeministrit të Kosovës Albin Kuri dhe kryetarit të Kuvendit, Glauk Konjufca për mos liberalizim në mbledhjen e Komisionit Parlamentar për MSA-në.

Sipas tij, “është mbështetur edhe nga Parlamenti Evropian në lexim të parë, por është në shqyrtim në Këshill. Llogaris në mbështetjen e anëtarëve të Parlamentit Evropian dhe të deputetëve që janë këtu sot që të vazhdojnë të punojnë me Parlamentin Evropian për ta arritur këtë qëllim”.

Ai ka thënë se Kuvendi ka rol të rëndësishëm që duhet ta luajë në zbatimin e reformave dhe priorietizimin e reformave në sundim të ligjit”, ka thënë ai.

Tutje Szunyog ka thënë se BE-ja është e gatshme të punojë me Kosovën në rrugën e saj drejt BE-së.

Szunyog theksoi se Raportin e Progresit janë evidentuar ngecje  në miratim të disa ligjeve.

Ndërkaq për dialogun mes Kosovës dhe Serbisë, ai ka potencuar se “është e rëndësishme të punohet në mënyrë konstruktive e të ketë përmbajtje nga retorika”.

“Ka bërë thirrje për zbatim të të gjitha marrëveshjeve të arritura në të kaluarën”.

Cramon: Dialogu është elementi kryesor për rrugëtimin e Kosovës dhe Serbisë drejt BE-së

Raportuesja për Kosovën në Parlamentin Evropian, Viola von Cramon, gjatë fjalimi të saj në takimin e shtatë të Komisionit Parlamentar për Stabilizim-Asociim Bashkimi Evropian– Kosovë, ka potencuar rendësin e Dialogut Kosovë-Serbi, pasi sipas saj dialogu është elementi kryesor për rrugëtimin e të dyja vendeve drejt BE-së.

“Pa një marrëveshje gjithëpërfshirëse për normalizimin e marrëdhënieve ndërmjet Kosovës dhe Serbisë pranimin në BE nuk do të ndodh për të dyja vendet, iniciativa e BE-së për dialog duhet të shërbej edhe Kosovës edhe Serbisë në atë mënyrë që të krijohet një marrëdhënie e qëndrueshme”, ka thënë Cramon.

Sipas saj institucionet e Kosovës, dialogun duhet ta bëjnë prioritet politik, si dhe të krijojnë platforma në atë mënyrë që të dialogojnë edhe me serbët e Kosovës.

“Pa dyshim është e nevojshme që Kosova të angazhohet me kapacitetet e plota në këtë proces në mënyrë që të ketë rezultate pozitive, Dialogu nuk duhet të jetë i limituar vetëm në Bruksel, Kryeministri Kurti ka thënë që do të organizojë dialogun edhe me serbët e Kosovës, që duhet të jetë një hap esencial për të arritur kohezion në rrugën drejtë përfundimit të dialogut”.

Eurodeputetja Cramon, ka theksuar se Kosova duhet të respektojë dhe zbatojë të gjitha marrëveshjet e dala nga dialogu Kosovë-Serbi përfshirë këtu edhe Marrëveshjen e Brukselit.

Kosova nuk duhet të jetë pala e cila shkel marrëveshjet ndërkombëtare. Do të jetë një dëm i madh i reputacionit ndërkombëtar të Kosovës dhe për lidhjet e ngushta që keni krijuar me partnerët evropian dhe të tjerët,

“Unë dua të ju inkurajojë që të inicioni debate publike të gjeni mënyrë për të implementuar të gjitha dispozitat që nuk janë përmbushur nga marrëveshja e Brukselit, duhet të gjeni mënyre për të akomoduar marrëveshjen e Brukselit që të ecni përpara dhe përmbyllur në mënyrë të suksesshme këtë dialog”, ka përfunduar Cramon.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.