Ministri i Punëve të Brendshme, Xhelal Sveçla, gjatë vizitës së tij në Kroaci, është takuar me homologun e tij kroat, i cili është edhe zëvendëskryeministër, Davor Bozinoviç, me të cilin ka biseduar për situatën e sigurisë dhe rreziqet e mundshme për destabilzim të rajonit.
“Biseduam për situatën e sigurisë dhe rreziqet e mundshme për destabilizim të rajonit, me fokus tek sulmet e njëpasnjëshme të strukturave kriminale të Serbisë ndaj institucioneve dhe zyrtarëve tanë në Veriun e vendit tonë e veçanërisht për sulmin terrorist të 24 shtatorit në Banjë ku mbeti i vrarë Rreshter Afrim Bunjaku”, shkroi Sveçla në Facebook.
Sveçla tha se homologun e tij kroat e ka njoftuar për dëshmitë e institucioneve të Kosovës që tregojnë lidhjet dhe angazhimin direkt të Serbisë me të gjithë mekanizmat e saj në realizimin e këtij sulmi terrorist.
Përveç kësaj, kreu i MPB-së pohoi se Bozinoviç e ka njoftuar edhe për “përkushtimin dhe rezultatet tona në luftën kundër çdo lloj krimi që cenon sigurinë e vendit tonë dhe qytetarëve tanë dhe e falënderova për mbështetjen e vazhdueshme të Kroacisë si dhe për gatishmërinë për të thelluar dhe më tutje bashkëpunimin mes dy ministrive tona”.
“Institucionet tona gëzojnë bashkëpunim të shkëlqyer me ato të Kroacisë dhe duke njohur faktin që vetëm përmes bashkëpunimit të ngushtë mund të kontribuojmë për sigurinë në rajon dhe më gjerë, u dakorduam për thellim të mëtejmë të raporteve tona shtetërore”.
Sveçla, që nga e enjtja është duke qëndruar për vizitë zyrtare në Kroaci.
Sveçla fillon vizitën në Kroaci: Shpalosa faktet që pas sulmit terrorist qëndron Serbia
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”