Një oficer i rangut të lartë i dekoruar për luftën e zhvilluar në Siri, një curriculum që ka edhe eksperiencat në forcat e hapësirës ajrore, emër i përfshirë tashmë në “listën e zezë” të personazheve të sanksioneve nga Perëndimi.
Ky është në sintezë profili i gjeneralit, Sergey Surovkin, njeriu të cilit Putini i ka besuar sot komandën e “operacionit special” në Ukrainë, i cili sheh Rusinë duke u tërhequr si në Donbass ashtu edhe në rajonin e Kherson-it dhe që sot pësoi edhe bombardimin e urës në Krime.
Lajmi për ndryshimin u konfirmua në Telegram nga ministria e Mbrojtjes.
Ndryshimi i komandës ishte i befasishëm, por jo i papritur dhe Kremlini shpreson se gjenerali i ri mund të kthejë kursin e një konflikti tani shumë larg pritshmërive fillestare të Moskës.
Surovkin, 56 vjeç, siberian, krenohet me një karrierë shumë të larmishme.
Pas një eksperience fillestare në Afganistan me gradën e kapitenit, oficeri i lartë rrezikoi të përmbyste karrierën në vitin 1991 kur u arrestua (dhe u burgos për shtatë muaj) për pjesëmarrjen e tij në grushtin e shtetit të gushtit që synonte të rrëzonte Mikhail Gorbaçovin.
Ai u largua me një falje nga Boris Jelcin, i bindur se vetëm kishte zbatuar urdhrat nga lart.
Në vitin 2004 ai komandonte një batalion këmbësorie të vendosur në Çeçeni.
Hapi më i madh i karrierës ndodh në vitin 2017 kur merr komandën e forcave ruse të dislokuara në Siri: atij i njihet pika kthesë e konfliktit sepse nën komandën e tij Bashar al Assad arrin të rimarrë kontrollin e 50% të territorit sirian, gjë që i lejon atij të marrë titullin “heroi i Federatës Ruse”.
Ndërsa vazhdon të mbikëqyrë operacionet në Siri, Surovkin emërohet kreu i forcave ajrore të Moskës.
Në qershor 2022 ai u bë komandant i operacioneve në Ukrainë në sektorin jugor dhe nga sot ai është numri një i forcave të armatosura ruse në të gjithë territorin e pushtuar. Ndërrimi i gardës në krye të Ushtrisë së Moskës kishte ditë që pritej, veçanërisht pas disfatës në Donbass.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Amerika e mban Ukrainën duke luftuar me duart e lidhura
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Zbulohet një diamant 1 mijë karatësh në Botswana
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Amerika e mban Ukrainën duke luftuar me duart e lidhura
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel