![](https://albanianpost.com/wp-content/uploads/2024/04/gj.png)
Një supergol nga mesfushori francez, Aurelien Tchouameni ka mjaftuar që Real Madrid-i të dalë me tri pikët nga përballja me Mallorca-n këtë të shtunë në La Liga.
Mallorca priti Real Madrid-in në ndeshjen e javës së 31-të në La Liga-s spanjolle, me ndeshjen që u zgjidh nga një goditje e jashtëzakonshme nga distanca nga Tchouameni.
Teksa pjesa e parë e takimit përfundoi në barazim 0-0, në fillimin e asaj të dytë do të vinte edhe goli i francezit.
Mesfushori mori një top disa metra larg hyrjes së zonës së portierit vendas dhe me një goditje të “rrufeshme” shtangu të pranishmit në “Estadi de Son Moix”.
Tchouaméni is actually insane. What a goal. pic.twitter.com/x873dEQlzv
— Xav Salazar (@XavsFutbol) April 13, 2024
Me fitoren e arritur, Real-i shkon në kuotën e 78 pikëve, në krye të La Liga-s dhe afrohet gjithnjë e më shumë me titullin.
Mallorca qëndron në vendin e 15 me 31 pikë, gjashtë më shumë se zona e nxehtë e rënies nga kategoria.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com