Suedia dhe Sllovenia u kanë kërkuar gjithashtu qytetarëve të tyre që të shmangin udhëtimet në Lindjen e Mesme.
Ministria e Jashtme suedeze foli për një situatë “serioze” të sigurisë në rajon, e cila “mund të përkeqësohet me shpejtësi”.
“Që tani e tutje, të gjitha udhëtimet” janë “rreptësisht të dekurajuara”, tha ministria në një postim në mediat sociale të shpërndarë nga kryeministri suedez Ulf Kristersson.
Ministria e Jashtme sllovene ka këshilluar kundër udhëtimit në Izrael sepse “ekziston rreziku i sulmeve me raketa nga Libani dhe Gaza dhe mundësia e një përshkallëzimi të tensioneve.
Rreziku i sulmeve dhe kërcënimeve nga Irani është rritur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
