![](https://albanianpost.com/wp-content/uploads/2022/04/Suedia-dhe-Finlanda.jpg)
Sipas të përditshmes suedeze “Expressen”, Suedia dhe Finlanda kanë arritur një marrëveshje për të aplikuar për anëtarësim në NATO në të njëjtën kohë.
Fakti që lajmi vjen nga Suedia – vendi më “i vakët” i të dyjave, përballë perspektivës së anëtarësimit – tregon se sipas të gjitha gjasave një marrëveshje për paraqitjen e aplikimit për anëtarësim është arritur tashmë nga individët, të cilat më pas komunikuan me njëri-tjetrin për t’u koordinuar, duke shmangur asinkroninë.
Njoftimi i anëtarësimit duhet të arrijë midis 16 dhe 22 majit, kur Presidenti finlandez Sauli Niisto është planifikuar të vizitojë Stockholm-in.
Zyrtarët e NATO-s kanë deklaruar më herët se diskutimet për anëtarësimin e Suedisë dhe Finlandës në bllok janë bërë jashtëzakonisht serioze që nga pushtimi i Rusisë.
Opinioni publik në të dyja vendet për anëtarësimin në aleancën mbrojtëse ka ndryshuar ndjeshëm ndërsa lufta e Rusisë në Ukrainë po vazhdon.
Nga ana tjetër kjo lëvizje ka zemëruar Moskën.
Mundësia e një reagimi të Kremlinit
Kremlini ka thënë se do të duhej të “ribalanconte situatën” nëse Suedia dhe Finlanda do të anëtarësoheshin në NATO.
Finlanda u godit me dy sulme kibernetike dhe një shkelje të hapësirës ajrore nga një aeroplan shtetëror rus më 8 prill.
Finlanda ndan një kufi prej më shumë se 800 milje me Rusinë.
Megjithatë, disa vende të NATO-s po shikojnë mundësinë që Rusia të kryejë një sulm përpara se Finlanda të bjerë nën mbrojtjen e aleancës, sipas një zyrtari evropian.
Moska e ka paralajmëruar NATO-n se, nëse Suedia dhe Finlanda i bashkohen aleancës ushtarake, Rusisë do t’i duhet të forcojë mbrojtjen e saj. Ajo gjithashtu paralajmëroi se angazhimi në të ardhmen për një Baltik “jo bërthamor”, do të marrë fund.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Prokuroria e Tiranës i dërgon dosjen e ’21 Janarit’ SPAK-ut
-
Deputetet kërkojnë që ‘një në tre emra të jetë grua’ edhe pas rirenditjes me votë preferenciale
-
Obama mbështet hapur Harris: Do të bëhet një presidente fantastike e SHBA-ve
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”