Shqipëria

Stuhitë përmbytën qytetet në Shqipëri, humb jetën një person


Stuhitë e rrufeshme në Shqipëri përmbytën qytetet, shkaktuan ndërprerje të energjisë elektrike në kryeqytet dhe çuan në vdekjen e të paktën një personi të enjten, thanë autoritetet.

Lajmi u publikua dhe u pasqyrua edhe nga mediat kryesore perëndimore.

Policia deklaroi se një 51-vjeçar humbi jetën gjatë një zjarri.

Kjo, pasi rrufeja goditi një shtëpi në fshatin veriperëndimor të Dedajt dhe shkaktoi ndërprerjen e energjisë elektrike.

Një tjetër person ka mbetur i plagosur, tha policia.

Një burrë u gjet i mbytur në det në qytetin jugperëndimor të Vlorës, por hetuesit nuk kanë përcaktuar nëse vdekja e tij lidhet me kushtet atmosferike

Shumë qytete përgjatë bregdetit shqiptar u përmbytën pas dy orësh shiu jashtëzakonisht të dendur.

Fermerët në Shqipërinë juglindore u ankuan se reshjet e shiut dëmtuan të gjitha kulturat e tyre pranverore.

Në qytetin më jugor të Shqipërisë, Sarandë, rrufeja dëmtoi një godinë banimi.

Shqipëria ka përjetuar përgjatë dy javëve mot të nxehtë, me temperatura që arritën deri në 37 gradë Celsius.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore