Starlink i Elon Musk po ndihmon në forcimin e internetit në Mbretërinë e Bashkuar

Starlink tani është pjesë e një prove në Mbretërinë e Bashkuar për internet me shpejtësi të lartë në shtëpi dhe kompani të largëta.

Kjo teknologji është pjesë e planeve të qeverisë për të siguruar që të gjithë të kenë qasje.

Shpërndarja fillimisht do të testohet në tre vende të largëta, “North York Moors National Park” ,”Wasdale Head in the Lake District” dhe  “Snowdonia National Park”.

Pas provave, qeveria do të shqyrtojë mundësinë e përdorimit të teknologjisë.

Testet e fundit kanë treguar se në shumë vende, satelitët Starlink mund të ofrojnë shpejtësi interneti deri në 200 megabit në sekondë – katër herë më shpejt se mesatarja aktuale e Mbretërisë së Bashkuar prej pak më shumë se 50 Mbps, tha Departamenti.

Sekretarja, Michelle Donelan tha se Starlink mund të jenë “përgjigja” për lidhjen e vendeve të izoluara.

“Këto prova synojnë të gjejnë një zgjidhje për koston jashtëzakonisht të lartë të vendosjes së kabllove në vende të largëta,” tha ajo.

Pjesë të Ukrainës, për shembull, kanë pasur qasje falas në shërbimin Starlink për të ndihmuar njerëzit atje të qëndrojnë të lidhur pas pushtimit të Rusisë.

Musk do të vazhdojë financimin e projektit, pavarësisht se ai po përjetonte humbje.

“Edhe pse Starlink ende po humb para dhe kompanitë e tjera po marrin miliarda dollarë nga taksapaguesit, ne thjesht do të vazhdojmë të financojmë qeverinë e Ukrainës falas”, shkroi ai në Twitter.

Starlink ka qenë jetik që ushtria dhe njerëzit e Ukrainës të qëndrojnë në internet.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.