Zëdhënësi i Bashkimit Evropian, Peter Stano, e ka arsyetuar vonesën e kompanisë serbe Elektrosever për mos zbatimit e marrëveshjes për energjinë, të arritur në Bruksel në qershor të këtij viti, mes Kosovës dhe Serbisë.
Ai në një përgjigje me shkrim për Albanian Post ka theksuar se “janë në pyetje disa teknikalitete”.
“Vonesat në zbatimin e udhërrëfyesit janë për shkak të aspekteve teknike, të cilat BE-ja u ka kërkuar palëve t’i adresojnë pa vonesë”, tha Stano në një përgjigje me shkrim për AP.
“Ne po punojmë me të gjitha palët e përfshira për të gjetur një mënyrë përpara për të kapërcyer vonesën aktuale në zbatim”.
Stano, ka treguar se BE-ja po ofron udhëzime se si të adresohen pyetjet e hapura, duke shtuar se “BE-ja po lehtëson dialogun ndërmjet palëve, nuk është arbitër”.
“Përgjegjësia përfundimtare për zbatimin e suksesshëm të Marrëveshjeve të Energjisë dhe Udhërrëfyesit i takon palëve”.
Ai ka potencuar po ashtu se BE-ja po ndjek nga afër aktivitetet e të dyja palëve për Udhërrëfyesin e Energjisë në kapacitetin e saj si lehtësues dhe garantues i Marrëveshjeve të dialogut.
“KOST, KEDS dhe Elektrosever janë në komunikime të rregullta. Ata gjithashtu raportojnë rregullisht në BE dhe SHBA”, shtoi ai.
Më 4 tetor, AP ka raportuar se kompania serbe Elektrosever as pas 100 ditëve nuk po i respekton afatet e pajtuara me udhërrëfyesin për implementimin e marrëveshjes për energjinë.
Për këtë, Zyra e Rregullatorit të Energjisë po e shqyrton mundësinë që t’ia tërheqë lincencën kompanisë që synon ta faturojë energjinë elektrike në komunat e Veriut të Kosovës, të banuara me shumicë serbe.
Kryesuesi i Bordit të Zyrës së Rregullatorit të Energjisë, Ymer Fejzullahu, thotë për Albanian Post se në marrëveshje është e specifikuar shumë qartë, “në rast se këto pika brenda 100 ditëve nuk plotësohen, do të duhet t’i tërhiqet licenca kompanisë”.
Bislimi për dështimin e marrëveshjes për Elektroseverin: Jemi ankuar te BE-ja tashmë
Nërsa zëvendëskryeministri i Kosovës, Besnik Bislimi ka bërë të ditur në Komisionin për Integrime Evropiane se janë ankuar ne Bashkimin Evropian për dështimin e marrëveshjes për Elektroserverin.
“Për Elektroseveri i kemi dërguar Bashkimit Evropian letër që nuk e ka përmbushur afatin prej 100 ditësh, tash është edhe ajo koha shtesë dhe do të presim a do t’i hiqet licenca kësaj kompanie”.
Ai tutje presionin e Serbisë në Kosovë e ka quajtur si “të tmerrshëm”.
Bëhet fjalë për kompaninë “Društvo Elektrosever D.O.O.”.
“Društvo Elektrosever D.O.O.” tashmë e regjistruar në Agjencionin e Regjistrimit të Bizneseve të Kosovës. Pronare e vetme e kësaj kompanie është “JP Elektroprivreda Srbije Beograd”, kompania shtetërore e Energjisë Elektrike në Serbi.
Në faqen e vet zyrtare “Elektroprivreda Srbije” shkruan se është “një kompani e organizuar vertikalisht, e cila ka të drejta themeluese në dy filiale dhe tri ndërmarrje publike në Kosovë”. Me afër 29 mijë punëtorë “Elektroprivreda Srbije” është kompania më e madhe në Serbi, në të gjitha llojet e industrive.
Certifikata e kësaj kompanie e regjistruar në ARBK thotë se aktivitet primar kjo kompani ka “Tregtinë e energjisë elektrike” dhe vetëm si aktivitet sekondar është dhënë “riparimi i pajisjeve elektrike”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kreu i delegacionit boshnjak në Asamblenë Parlamentare konfirmon se do të votojë pro Kosovës në Këshillin e Evropës
-
Izrael-Iran, si po përpiqet diplomacia amerikane të shmangë hakmarrjen e armatosur
-
Lajçaku dëgjon “perspektivën” e Dodikut për situatën në Bosnje-Hercegovinë
-
Irani kishte mbyllur objektet e tij bërthamore përpara sulmit
Lajmet kryesore
-
Kosova synon ta kalojë pengesën e radhës për anëtarësim në KiE
-
Shqipëria renditet e gjashta në Evropë për vdekjet më të larta nga aksidentet rrugore
-
Izrael-Iran, si po përpiqet diplomacia amerikane të shmangë hakmarrjen e armatosur
-
Numër rekord i barrierave të hequra të lumenjve në të gjithë Evropën në vitin 2023
