Ministrja e Shtetit për Marrëdhëniet me Parlamentin, Elisa Spiropali, në fjalën e saj në Kuvend ka zgjedhur të reagojë mbi deklaratat e ish-kryeministrit, Sali Berisha dhe kreut të Partisë së Lirisë, Ilir Meta.
Spiropali theksoi se këto politikanë, të cilët kanë qenë në poste si kryeministra dhe presidentë, përdorin ndaj SPAK dhe kreut të tij një gjuhë “të dalë nga binarët e mendjes”.
“A keni një opinion për dy baballarët në majë të thanës ku jeni ngjitur të tërë? Njëri në majë të pallatit që bërtet kundër SPAK dhe njëri në majën e delirit të madhështisë ku kafshon kreun e SPAK në ekrane ku t’i dalë para”.
Sipas Spiropalit, opozita po i mban ata të dy mbi supe siç mbanin shërbëtorët mbretërit.
“Këtu vini e kërkoni sherr duke u përpjekur të mbani peng Kuvendin për hallin tuaj. Dilni thoni qartë SPAK për ju është organ i drejtësisë apo jo?”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
