Spanja, Belgjika dhe Italia do të përdorin AstraZeneca për njerëzit e moshuar

Italia, Spanja dhe Belgjika janë bashkuar me vendet e tjera evropiane në kufizimin e përdorimit të vaksinës Oxford/AstraZeneca te grupmoshat e vjetra.

Ndërsa Bashkimi Evropian (BE) po lufton për të rënë dakord për udhëzimet e përbashkëta për t’iu përgjigjur hezitimit të pritur të opinionit publik.

Agjencia Evropiane e Barnave (EMA), të mërkurën e 7 prillit, gjeti një lidhje të mundshme midis vaksinës dhe rasteve shumë të rralla të mpiksjes së gjakut, megjithëse tha se përfitimet e saj tejkalojnë rreziqet dhe nuk njoftuan ndonjë kufizim.

Në Britani, komiteti i përbashkët i qeverisë për vaksinat dhe imunizimin tha se njerëzit e shëndetshëm të moshës 18 deri 24 vjeç, të cilët nuk ishin në rrezik të lartë të infektimit me Covid, o të marrin një doze tjetër, nëse është në dispozicion në zonën e tyre.

Ministrat e shëndetit kombëtar dhe rajonal të Belgjikës më pas ranë dakord të kufizojnë vaksinën në moshën mbi 55 vjeç për një muaj. Ndërsa ministri i Shëndetësisë i Italisë, Roberto Speranza, tha të mërkurën vonë se qëllimi duhet t’u ofrohej vetëm atyre të moshës 60 vjeç e lart.

Franco Locatelli, kreu i këshillit shëndetësor të vendit, tha se njerëzit që kishin marrë dozën e parë të vaksinës AstraZeneca, mund të vazhdonjnë me të dytën. Zyrtarët theksuan se ndërsa vaksina nuk rekomandohej për nën-60 vjeç, ajo nuk është e ndaluar.

Pas takimit me shefat rajonalë të shëndetësisë, ministrja e Shëndetësisë në Spanjë, Carolina Darias, njoftoi gjithashtu se administrimi i vaksinës AstraZeneca do të pezullohej përkohësisht në të gjithë vendin për njerëzit nën moshën 60 vjeç.

Rajonet autonome të Spanjës kanë dhënë më shumë se 2.1 milionë të dozës së parë të vaksinës anglo-suedeze, me rregulla dhe hapa të ndryshëm. Autoritetet tani duhet të vendosin nëse do të përdorin një vaksinë tjetër për dozën e dytë.

Vende të tjera të BE-së

Vendet e BE-së që kanë vendosur tashmë kufizime përfshijnë Gjermaninë, e cila po kufizon përdorimin e saj në nën-60 vjeç dhe grupet prioritare. Si dhe ka rekomanduar që njerëzit nën 60 vjeç që kanë marrë një dozë të parë duhet të marrin të dytën.

Por vendet po vendosin një sërë kufijsh të moshës për marrjen e vaksinës.

Franca po mendon përdorimin e saj për njerëzit e moshës 55 vjeç e lart. Holanda për ata të moshës 60 e lart, dhe Finlanda e Suedia për njerëzit e moshës 65 vjeç e lart.

Ministrat e shëndetësisë të BE-së dështuan në një takim të jashtëzakonshëm të mërkurën në mbrëmje për të rënë dakord për një qasje të koordinuar pavarësisht nga një insistimi i Portugalisë, e cila mban presidencën e radhës së bllokut, për një konsensus urgjent mbi bazat e përbashkëta për përdorimin e vaksinës.

“Është thelbësore që të ndjekim një qasje të koordinuar evropiane – një qasje e cila nuk ngatërron qytetarët dhe që nuk ushqen hezitimin e vaksinës,” u tha ministrave në takim komisionerja e shëndetësisë në BE, Stella Kyriakides.

EMA tha se ka marrë raporte të 169 rasteve të mpiksjes së rrallë të gjakut në tru deri në fillim të prillit, pasi 34 milionë doza ishin administruar në Zonën Ekonomike Evropiane.

Në Gjermani, Christian Bogdan, një anëtar i komitetit të vaksinave të vendit, tha se rastet e gjendjes në gratë nën 60 vjeç të cilave u ishte dhënë AstraZeneca ishin 20 herë më të larta se sa pritej normalisht.

Duke përfaqësuar atë që ai e quajti një “sinjal shumë të qartë të rrezikut”.

Vendet që kanë vendosur kufizime moshe për vaksinën AstraZeneca, tani përballen me enigmën se çfarë të bëjnë për të rinjtë që kanë marrë një dozë të parë.

Disa ekspertë thonë se vaksinat e ndryshme mund të punojnë së bashku për të luftuar virusin.

Gjermania ka rekomanduar që njerëzit nën 60 vjeç që kanë bërë një dozë të parë AstraZeneca, duhet të marrin një produkt tjetër për dozën e tyre të dytë.

Vendet e tjera janë duke pritur për rezultatet e një gjykimi britanik të nisur në shkurt për të eksploruar dozat e përzierjes së vaksinave Pfizer dhe AstraZeneca.

Këshilli i lartë këshillimor shëndetësor i Francës raportohet se po konsideron përdorimin e vaksinave si ato të prodhuara nga Pfizer/BioNTech dhe Moderna si dozë e dytë.

Por deri tani nuk është marrë asnjë vendim zyrtar.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.