Përzgjedhësi i kombëtares së Anglisë, Gerath Southgate, publikoi gjatë ditës së sotme (e enjte) listën e futbollistëve të ftuar për Kupën e Botës që do të fillojë më 20 nëntor në Katar.
Kjo listë shkaktoi shumë debate, pasi që jashtë saj u la sulmuesi i Romës, Tammy Abraham dhe qendërmbrojtësi i Milan-it, Fikayo Tomori.
Për këtë të fundit është bërë më shumë debat, pasi që në vend të tij, trajneri anglez preferoi qendërmbrojtësin e Manchester United-it, Harry Maguire.
Gareth Southgate on Harry Maguire & Fikayo Tomori: “We don't think the young ones [centre-backs] have done quite enough to push the older ones out”. 🏴 #WorldCup2022
“Yes, I’m sure Harry Maguire is one of our best centre backs”. pic.twitter.com/j9MNgYMwfq
— Fabrizio Romano (@FabrizioRomano) November 10, 2022
Maguire është kritikuar shumë në paraqitjet e tij në këtë fillim të sezonit, si me ekipin e tij, ashtu edhe me kombëtaren e “tre luanëve”.
Por, në konferencë, Southgate tha se Maguire është nga mbrojtësit më të mirë të Anglisë ndërsa nga ana tjetër shtoi se Abraham humbi formën në momentin e gabuar.
“Abraham po kalon një moment të vështirë dhe nuk ka gjetur golin me vazhdimësi, humbi formë në momentin e gabuar. Në këtë moment, forma fizike është vendimtare”, u përgjigj trajneri anglez kur u pyet për sulmuesin e Romës.
“Tomori? Mendoj se të rinjtë e mbrojtjes nuk kanë bërë mjaftueshëm për t’i zëvendësuar të vjetrit. Unë jam i sigurt kur them se Harry Maguire është një nga mbrojtësit më të mirë që kemi”, tha Southgate kur u përgjigj për mbrojtësin e Milan-it.
Pra, mbrojtësi i Milan-it, pavarësisht formës të mirë që ka kaluar në kohët e fundit, është lënë jashtë listës së Anglisë.
Tomori me Milan-in e fitoi titullin kampion në Serie A në vitin e kaluar, duke qenë një nga më meritorët me paraqitjet e tij në fazën e mbrojtjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Pedro Sanchez qëndron, nuk dorëhiqet nga pozita e kryeministrit
-
Baerbock bën fushatë për integrimin e Ballkanit, në përvjetorin e zgjerimit të BE-së në 2004
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku
