Soreca: Inovacioni dhe Start Up-et, prioritetet kryesore për BE-në

“Inovacioni dhe mbështetja për sa i përket Start up-ve në Shqipëri janë dy prioritetet kryesore për Bashkimin Evropian”.

Kështu deklaroi ambasadori i Bashkimit Evropian në Shqipëri, Luigi Soreca, pas një takimi me ministren e Shtetit për Sipërmarrjen, Edona Bilali, mesditën e 21 dhjetorit.

Nëpërmjet një postimi në median sociale Twitter, Soreca, theksoi se me Bilalin kanë diskutuar për rëndësinë që mundësohet nga një klimë më e favorshme investimi në Shqipëri.

Sipas tij kjo përfshin edhe rritjen e luftës kundër korrupsionit në të gjithë sektorët.

#Innovation and support to🇦🇱#startups are two major priorities for the #EU🇪🇺 in #Albania🇦🇱. I discussed w/Minister for Entrepreneurship Edona Bilali the importance to enable a more favorable investment climate in🇦🇱, including by enhancing fight against #corruption in all sectors. pic.twitter.com/19LaZSDV5A

— Luigi Soreca🇪🇺 (@LSorecaEU) December 21, 2021

Ky takim ka ardhur një ditë pasi qeveria shqiptare me vendim të Këshillit të Ministrave, miratuan projektligjin për fillimin e Programeve të Start Up-eve. Bilali, mëngjesin e 20 dhjetorit njohu sipërmarrësit me ligjin e ri mbështetës.

Më tej ajo theksoi se, “regjistrimi dhe marrja e shërbimeve do të jetë pa pagesë dhe online”.

Bilali shtoi se ky ligj i posaçëm do të përkthejë kërkesat për të gjithë ekosistemin dhe për ata që duan të aplikojnë.

Pas mbarimit të fazës së parë do të nisë dhe hapi i dytë me shumën prej 10 milionë eurosh për mbështetje.

“Kjo është mbështetja më e madhe që ka dhënë Qeveria shqiptare ndonjëherë”, e mbylli Bilali.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.